తెలంగాణ రాష్ట్ర సమితి(టిఆర్ఎస్) పార్టీ విస్తృతస్థాయి సమావేశం జనవరి 4వ తేదీన జరగనుంది. టిఆర్ఎస్ పార్టీ అధ్యక్షుడు, ముఖ్యమంత్రి కే.చంద్రశేఖర్ రావు అధ్యక్షత వహించే ఈ సమావేశం, పార్టీ రాష్ట్ర కార్యాలయమైన తెలంగాణ భవన్లో నిర్వహించనున్నారు. శనివారం ఉదయం 11.30 గంటలకు ప్రారంభమయ్యే ఈ విస్తృతస్థాయి సమావేశం సాయంత్రం నాలుగు గంటల వరకు కొనసాగనుంది. రాష్ట్రంలో త్వరలో జరగబోయే మున్సిపల్ ఎన్నికలపై పార్టీ నాయకులకు సీఎం కేసీఆర్ పూర్తిస్థాయిలో దిశానిర్దేశం చేయనున్నారు. ఈ కీలక సమావేశానికి హాజరు కావాల్సిందిగా టిఆర్ఎస్ పార్టీ లోక్ సభ, రాజ్యసభ సభ్యులు, ఎమ్మెల్యేలు, ఎమ్మెల్సీలు, జిల్లా పరిషత్తుల చైర్పర్సన్లు, రాష్ట్ర కార్పొరేషన్ల చైర్మన్లు, పార్టీ కార్యవర్గ సభ్యులుతో పాటుగా కొందరి ప్రత్యేక ఆహ్వానితులను ఆహ్వానించారు.
[subscribe]