తెలంగాణ రాష్ట్ర చరిత్రలో దశాబ్ది కార్యక్రమం ఒక మైలురాయి అని, గత పదేళ్ల కాలంలో రాష్ట్రంలో జరిగిన అభివృద్ధిని చాటిచెప్పేందుకు ఈ వేడుకలను ఘనంగా నిర్వహించాలని ముఖ్యమంత్రి కే చంద్రశేఖర్ రావు పేర్కొన్నారు. ఈ మేరకు ఆయన మంగళవారం సచివాలయంలో రాష్ట్ర అవతరణ దశాబ్ది ఉత్సవాల నిర్వహణ నేపథ్యంలో ఉన్నతస్థాయి సమావేశం నిర్వహించారు. ఈ సందర్భంగా సీఎం కేసీఆర్ జూన్ 2 నుంచి 21 రోజుల పాటు నిర్వహించే రోజువారీ కార్యక్రమాల షెడ్యూల్ను ఖరారు చేశారు. అలాగే రాష్ట్రావతరణ దశాబ్ది ఉత్సవాలను రాష్ట్రవ్యాప్తంగా ఘనంగా నిర్వహించేందుకు చేపట్టాల్సిన ఏర్పాట్లు, కార్యాచరణకు సంబంధించి ఈ నెల 25న జిల్లా కలెక్టర్ల కాన్ఫరెన్స్ నిర్వహించాలని సీఎం కేసీఆర్ నిర్ణయించారు. ఈ సమావేశంలో మంత్రులు, జిల్లా ఎస్పీలు కూడా పాల్గొననున్నారు.
రాష్ట్రావతరణ దశాబ్ది ఉత్సవాల రోజువారీ కార్యక్రమాల షెడ్యూల్ వివరాలు ఇలా..
- జూన్ 2 – ఉత్సవాలు ప్రారంభం
- జూన్ 3 – రైతు దినోత్సవం
- జూన్ 4 – సురక్షా దినోత్సవం
- జూన్ 5 – తెలంగాణ విద్యుత్తు విజయోత్సవం
- జూన్ 6 – పారిశ్రామిక ప్రగతి ఉత్సవం
- జూన్ 7 – సాగునీటి దినోత్సవం
- జూన్ 8 – ఊరూరా చెరువుల పండుగ
- జూన్ 9 – సంక్షేమ సంబురాలు
- జూన్ 10 – సుపరిపాలన దినోత్సవం
- జూన్ 11 – సాహిత్య దినోత్సవం
- జూన్ 12 – తెలంగాణ రన్
- జూన్ 13 – మహిళా సంక్షేమ దినోత్సవం
- జూన్ 14 – వైద్యారోగ్య దినోత్సవం
- జూన్ 15 – పల్లె ప్రగతి దినోత్సవం
- జూన్ 16 – పట్టణ ప్రగతి దినోత్సవం
- జూన్ 17 – తెలంగాణ గిరిజనోత్సవం
- జూన్ 18 – మంచి నీళ్ల పండుగ
- జూన్ 19 – తెలంగాణ హరితోత్సవం
- జూన్ 20 – తెలంగాణ విద్యాదినోత్సవం
- జూన్ 21 – ఆధ్యాత్మిక దినోత్సవం
- జూన్ 22 – అమరు వీరుల సంస్మరణ
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xE