తెలంగాణలో రేపటి నుంచి టెన్త్ క్లాస్ అడ్వాన్స్‌డ్ స‌ప్లిమెంట‌రీ ప‌రీక్ష‌లు

July 31, 2022

తెలంగాణలో రేపటి నుంచి పదో తరగతి అడ్వాన్స్‌డ్‌ సప్లిమెంటరీ పరీక్షలు మొదలవనున్నాయి. 2021-22 విద్యాసంవత్సరం పదో తరగతి పబ్లిక్‌ పరీక్షల్లో ఫెయిల్‌ అయిన స్టూడెంట్స్‌కు ఈ పరీక్షలు నిర్వహించనున్నారు. ఈ పరీక్షలకు 55,662 మంది విద్యార్థులు హాజరు కానుండగా, రాష్ట్ర వ్యాప్తంగా 204 పరీక్షా కేంద్రాలను ఏర్పాటు చేశారు. కాగా ఉద‌యం 9:30 నుంచి మ‌ధ్యాహ్నం 12:45 వ‌ర‌కు పరీక్షా సమయంగా నిర్ణయించారు. ఇక ఈ పరీక్షలకు హాజరయ్యే విద్యార్థుల హాల్‌టికెట్లు, నామినల్‌ రోల్స్‌ను.. www.bse.telangana.gov.in వెబ్‌సైట్‌లో అందుబాటులో ఉంచినట్లు ప్రభుత్వ పరీక్షల విభాగం డైరెక్టర్‌ ఎ. కృష్ణారావు తెలిపారు. ఈ నేపథ్యంలో.. నిర్ణీత సమయానికి ముందుగానే పరీక్షా కేంద్రాలకు చేరుకోవాలని ఆయన విద్యార్థులకు సూచించారు.