రాష్ట్ర పరిపాలన, నిరంతర సమీక్షలు, రాజకీయ వ్యూహాలతో నిత్యం అత్యంత బిజీగా గడిపే ఆంధ్రప్రదేశ్ ముఖ్యమంత్రి నారా చంద్రబాబు నాయుడులో ఒక అరుదైన, సున్నితమైన కోణం తాజాగా వెలుగులోకి వచ్చింది. ప్రజా పర్యటనలు మరియు అధికారిక ముఖాముఖిల సందర్భంలో సాధారణంగా ప్రజల సమస్యలను వినే ముఖ్యమంత్రి, ఈసారి ఒక చిన్నారితో గడిపిన సరదా క్షణాలు అందరినీ ఆకట్టుకుంటున్నాయి.
బుధవారం గుంటూరులో ఒక ప్రైవేట్ ఆస్పత్రి ప్రారంభోత్సవం కోసం వెళ్లిన సీఎం చంద్రబాబును ఒక పాప సీఎం చంద్రబాబు దృష్టిని ఆకర్షించింది. అయితే, ఆ పాప ఆస్పత్రి నిర్వాహకులైన డాక్టర్ రాఘవ శర్మ, విజయ దంపతుల మనవరాలు కావడం గమనార్హం. దీంతో రాజకీయాల ఒత్తిడిని కాసేపు పక్కన పెట్టి ఆయన వెంటనే ఆ పాపని ఎత్తుకుని ముద్దుచేశారు.
ఆ చిన్నారి కూడా ఎటువంటి భయం లేకుండా ముఖ్యమంత్రి చేతిని పట్టుకోవడం, ఆయనను చూసి అమాయకంగా నవ్వడం అక్కడ ఉన్న వారందరి ముఖాల్లో చిరునవ్వులు పూయించింది. ఒక అగ్రనేతలా కాకుండా, ఇంట్లోని ఒక పెద్ద దిక్కులా ఆ పసిపాపని లాలించిన తీరు నెటిజన్లను ఎంతగానో ఆకట్టుకుంటోంది. నిత్యం ఫైళ్లూ, ప్రసంగాలతో గడిపే నాయకుడిలోని ఈ లాలన మరియు ఆత్మీయతకు సంబంధించిన దృశ్యాలు ప్రస్తుతం సోషల్ మీడియాలో హల్చల్ చేస్తున్నాయి.
Looks like I made a new little friend today! pic.twitter.com/Mr0t8dtNBZ
— N Chandrababu Naidu (@ncbn) June 3, 2026
తాను ఒక “కొత్త చిన్న స్నేహితుడిని” (New Little Friend) సంపాదించుకున్నానంటూ ముఖ్యమంత్రి ఈ క్యూట్ మూమెంట్ను పంచుకోవడంతో, ఈ వీడియో అత్యంత వేగంగా వైరల్ అవుతోంది. సాధారణ ప్రజలతో పాటు తెలుగుదేశం పార్టీ శ్రేణులు సైతం ‘బాబు మార్క్ ఆప్యాయత’ అంటూ ఈ వీడియోను పెద్ద ఎత్తున షేర్ చేస్తున్నారు. నిరంతరం ప్రజాక్షేత్రంలో ఉండే నాయకులు ఇలాంటి పసి హృదయాలతో కనెక్ట్ అయినప్పుడు వచ్చే ఆనందమే వేరని ఈ దృశ్యం నిరూపిస్తోంది.
