మెరికాలో పెట్టుబడుల ద్వారా శాశ్వత నివాసం (గ్రీన్‌కార్డ్) పొందాలనుకునే విదేశీ పారిశ్రామికవేత్తలకు అమెరికా పౌరసత్వ, ఇమ్మిగ్రేషన్ సేవల సంస్థ (USCIS) బిగ్ షాక్ ఇచ్చింది. ఈబీ-5 (EB-5) ఇన్వెస్టర్ విసా ప్రోగ్రామ్ కింద దరఖాస్తు రుసుములను భారీగా పెంచుతూ కీలక నిర్ణయం తీసుకుంది. ఈ నూతన ఫీజుల నిబంధనలు నవంబర్ 30, 2026 నుంచి అమల్లోకి రానున్నాయి.
దరఖాస్తు రుసుముల భారీ పెంపు
అమెరికా నిబంధనల ప్రకారం ఈబీ-5 ఇన్వెస్టర్ పిటిషన్ (Form I-526) కోసం దరఖాస్తు చేసే వారు ప్రస్తుతం చెల్లిస్తున్న ఫీజుల కంటే రెట్టింపు స్థాయిలో చెల్లించాల్సి ఉంటుంది. దరఖాస్తు ప్రక్రియ, ప్రాంతీయ కేంద్రాల (Regional Centers) ఆమోదం మరియు ఫారమ్ల ప్రాసెసింగ్ ఫీజులను USCIS సవరించడంతో ఈ వ్యయం విపరీతంగా పెరగనుంది.
భారతీయ పెట్టుబడిదారులపై ప్రభావం
ఈ నిర్ణయం అమెరికాలో గ్రీన్‌కార్డ్ పొందాలని ఆశించే భారతీయ ధనవంతులు, పారిశ్రామికవేత్తలపై తీవ్ర ప్రభావం చూపనుంది. సాధారణంగా హెచ్-1బి (H-1B) లేదా ఇతర దారుల్లో సుదీర్ఘ నిరీక్షణను తప్పించుకునేందుకు చాలామంది భారతీయులు ఈబీ-5 విసాను ఎంచుకుంటారు. లక్షలాది డాలర్ల పెట్టుబడికి అదనంగా దరఖాస్తు ఫీజులు కూడా రెట్టింపు కావడంతో అదనపు ఆర్థిక భారం పడనుంది.
నవంబర్ 30కి ముందే దరఖాస్తుల రష్
ప్రస్తుత పాత ఫీజుల ప్రయోజనాన్ని పొందేందుకు దరఖాస్తుదారులు నవంబర్ 30, 2026 గడువు లోపే తమ ఈబీ-5 పిటిషన్లను సమర్పించాలని ఇమ్మిగ్రేషన్ నిపుణులు సూచిస్తున్నారు. దీంతో రాబోయే రోజుల్లో ఈబీ-5 దరఖాస్తులు భారీగా పెరిగే అవకాశం కనిపపిస్తోంది.
