దక్షిణ కోస్తా జిల్లా అయిన ప్రకాశం జిల్లాలో ఆంధ్రకేసరి విశ్వవిద్యాలయం ఏర్పాటుకు మార్గం సుగమం అయింది. ప్రకాశం జిల్లా వాసులు ఎన్నో ఏళ్లుగా ఎదురుచూస్తున్న జిల్లా యూనివర్సిటీ కల ఇన్నాళ్లకు తీరబోతోంది. ఆంధ్రకేసరి విశ్వవిద్యాలయం ఏర్పాటుకు ప్రభుత్వం గెజిట్ ఇచ్చింది. ఈ వర్సిటీ ఏర్పాటుపై ఉన్నత విద్య ముఖ్య కార్యదర్శి జె.శ్యామలరావు మంగళవారం గెజిట్ నోటిఫికేషన్ విడుదల చేశారు. యూనివర్సిటీల చట్టం ప్రకారం అన్ని సెక్షన్లు ఈ కొత్త విశ్వవిద్యాలయానికి వర్తిస్తాయని పేర్కొన్నారు.
విశ్వవిద్యాలయాల చట్టంలోని సెక్షన్ 6(ఎ) ప్రకారం.. ఇకనుంచి ప్రకాశం జిల్లాలోని అన్ని కళాశాలలు, ఇప్పుడు కొత్తగా ఏర్పాటుచేస్తున్న ఆంధ్రకేసరి విశ్వవిద్యాలయం పరిధిలోకి వస్తాయని పేర్కొన్నారు. ఇప్పటి వరకు నాగార్జున విశ్వవిద్యాలయానికి అనుబంధంగా ఉన్న ఆ కళాశాలలు, ఇప్పుడు ఆంధ్రకేసరి వర్సిటీ పరిధిలోకి వస్తాయని తెలిపారు. కాగా, గెజిట్ ఇచ్చిన రోజు (మంగళవారం) నుంచే ప్రకాశం జిల్లాలోని కళాశాలలు ఇక నాగార్జున విశ్వవిద్యాలయానికి అనుబంధంగా ఉండవు అని తెలియజేసారు. దీంతో.. ఆ కళాశాలల్లో ఇక నుంచీ పరీక్షలను ఆంధ్రకేసరి విశ్వవిద్యాలయం ఆధ్వర్యంలో నిర్వహించాల్సి ఉంటుంది.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ