తెలంగాణలో పాఠశాలల పునఃప్రారంభంపై నిర్ణయం?

January 29, 2022

తెలంగాణ రాష్ట్రంలో కరోనా వ్యాప్తి నేపథ్యంలో అన్ని ప్రభుత్వ, ప్రైవేట్, ఎయిడెడ్ పాఠశాలలకు, ఇతర విద్యా సంస్థలకు జనవరి 30 వరకు సెలవులను పొడిగిస్తూ ప్రభుత్వం నిర్ణయం తీసుకున్న విషయం తెలిసిందే. ఈ నేపథ్యంలో జనవరి 24 నుంచి 8, 9, 10 తరగతుల విద్యార్థులకు ఆన్‌లైన్‌/డిస్టెన్స్ పాఠాలు నిర్వ‌హిస్తున్నారు. అయితే విద్యార్థులకు భౌతికంగా పాఠశాలలు ప్రారంభించే అంశంపై ప్రభుత్వం తాజాగా నిర్ణయం తీసుకున్నట్టు తెలుస్తుంది. కరోనా నిబంధనలు పూర్తిస్థాయిలో అమలు చేస్తూ ఫిబ్రవరి 1వ తేదీ నుంచి రాష్ట్రవ్యాప్తంగా పాఠశాలల ప్రారంభించనున్నట్టు సమాచారం. పాఠశాలల పున:ప్రారంభంపై నేడు ప్రభుత్వం అధికారికంగా ప్రకటన చేసే అవకాశమునట్టు తెలుస్తుంది. కరోనా కేసులు కొంత తగ్గుముఖం పట్టడం, వార్షిక పరీక్షలు దగ్గరపడుతుండడం, పలు రాష్ట్రాల్లో మళ్ళీ పాఠశాలలు ప్రారంభమైన నేపథ్యంలో రాష్ట్రంలో కూడా పాఠశాలలు తెరిచేందుకే తెలంగాణ ప్రభుత్వం నిర్ణయించుకున్నట్టు తెలుస్తుంది.