నా పుట్టినరోజు సందర్భంగా ఎలాంటి సమావేశాలు నిర్వహించవద్దు : చంద్రబాబు

April 19, 2021

ప్రస్తుత కరోనా పరిస్థితుల దృష్ట్యా ఏప్రిల్ 20న తన పుట్టినరోజు సందర్భంగా ఎలాంటి సమావేశాలు నిర్వహించవద్దని టీడీపీ జాతీయ అధ్యక్షుడు, మాజీ ముఖ్యమంత్రి చంద్రబాబు నాయుడు పార్టీ నాయకులు, కార్యకర్తలకు సూచించారు. ఈ మేరకు ఆయన ట్వీట్ చేశారు. “నా పుట్టినరోజుకు ఒక ప్రత్యేకతను తీసుకురావడానికి మీరంతా చేపట్టే కార్యక్రమాలు అభినందనీయం. అందుకు మీ అందరికీ కృతజ్ఞతలు. అయితే ఇప్పుడు కోవిడ్-19 నుంచి రక్షణ పొందడం చాలా అవసరం. అందుకే నా పుట్టిన రోజు సందర్భంగా ఎలాంటి సమావేశాలు నిర్వహించవద్దని తెలుగుదేశం పార్టీ నేతలను, కార్యకర్తలను కోరుతున్నాను. దయచేసి మీరంతా ఒకరికొకరు భౌతిక దూరం పాటిస్తూ సురక్షితంగా ఉండండి. మీ అందరి క్షేమమే మీరు నాకిచ్చే జన్మదిన కానుక” అని చంద్రబాబు పేర్కొన్నారు.