తమిళనాడులో డీఎంకే, బెంగాల్లో టీఎంసీ అత్యధిక స్థానాల్లో ముందంజ

May 2, 2021

బెంగాల్లో 200 పైగా స్థానాల్లో టీఎంసీ ఆధిక్యం, 89 స్థానాల్లో బీజేపీ, ఒక స్థానంలో లెఫ్ట్-కాంగ్రెస్ కూటమి.
తమిళనాడులో 135 స్థానాల్లో డీఎంకే ఆధిక్యం.
కేరళలో 88 స్థానాల్లో ఎల్డీఎఫ్ ముందంజ.
అస్సాం 80, పుదుచ్చేరిలలో 12 స్థానాల్లో బీజేపీ నేతృత్వంలోని కూటమి ఆధిక్యం.
పశ్చిమబెంగాల్లో టీఎంసీ పార్టీ ముందంజలో ఉంది. అయితే నందిగ్రామ్ నియోజకవర్గం నుండి పోటీ చేసిన పశ్చిమ బెంగాల్ ముఖ్యమంత్రి మమతా బెనర్జీ, ఆమె ప్రత్యర్థి, బీజేపీ అభ్యర్థి సువేందు అధికారి కంటే 8 వేల ఓట్ల వెనుకంజలో ఉన్నారు.
తమిళనాడు రాష్ట్రంలో స్టాలిన్ నేతృత్వంలోని డీఎంకే పార్టీ అత్యధిక స్థానాల్లో ఆధిక్యంలో కొనసాగుతుంది.
కేరళలో సీఎం పినరయి విజయన్ నేతృత్వంలోని ఎల్డిఎఫ్ 70కి పైగా స్థానాల్లో ఆధిక్యంలో ఉంది.
అస్సాం, పుదుచ్చేరిలలో బీజేపీ నేతృత్వంలోని కూటమి ఆధిక్యంలో ఉంది.

దేశంలో పశ్చిమబెంగాల్‌, కేరళ, అస్సాం, తమిళనాడు రాష్ట్రాలతో సహా శాసనసభ కలిగిన కేంద్రపాలితమైన పుదుచ్చేరిలో జరిగిన అసెంబ్లీ ఎన్నికల ఓట్ల లెక్కింపు పక్రియ ఈ రోజు 8 గంటలకు ప్రారంభమైంది. కౌంటింగ్ కోసం కేంద్ర ఎన్నికల సంఘం కరోనా నిబంధనలకు అనుగుణంగా ఏర్పాట్లు చేసింది. తమిళనాడులో 234, పశ్చిమబెంగాల్ ‌లో 294, కేరళలో 140, అస్సాంలో 126, పుదుచ్చేరిలో 30 అసెంబ్లీ స్థానాలకు ఎన్నికలు జరిగాయి. ఈ ఐదు రాష్ట్రాల అసెంబ్లీ ఎన్నికల ఫలితాలపై దేశవ్యాప్తంగా ఆసక్తి నెలకుంది. మరోవైపు దేశంలో కరోనా విజృంభిస్తున్న నేపథ్యంలో ఫలితాలు అనంతరం విజయోత్సవ ర్యాలీలకు అనుమతి లేదని కేంద్ర ఎన్నికల సంఘం ప్రకటించింది.