ఆస్ట్రేలియా మాజీ క్రికెట్ ఆల్ రౌండర్ ఆండ్రూ సైమండ్స్ కన్నుమూశాడు. ఆండ్రూ సైమండ్స్ ఆదివారం టౌన్స్విల్లే నగర శివార్లలో కారు ప్రమాదంలో మరణించాడు. ఈ మేరకు నిన్న రాత్రి 11 గంటల సమయంలో ఆలిస్ రివర్ బ్రిడ్జ్ సమీపంలో రోడ్డు మార్గం నుండి బయలుదేరిన సైమండ్స్ కారు హెర్వే రేంజ్ రోడ్లో బోల్తా కొట్టిందని పోలీసులు విడుదల చేసిన ఒక ప్రకటనలో తెలిపారు. 46 ఏళ్ల సైమండ్స్ కు భార్య లారా మరియు ఇద్దరు చిన్న పిల్లలు, క్లో మరియు బిల్లీ ఉన్నారు. సైమండ్స్, 1998లో పాకిస్తాన్తో జరిగిన ODI సమయంలో ఆస్ట్రేలియాలో అరంగేట్రం చేసాడు. ఆస్ట్రేలియాకు ప్రాతినిధ్యం వహించిన గొప్ప ఆల్ రౌండర్లలో ఒకడైన సైమండ్స్ 26 టెస్టులు, 198 వన్డేలు మరియు 14 టీ-20లు ఆడాడు. రెండుసార్లు ప్రపంచ కప్ గెలిచిన ఆస్ట్రేలియా జట్టులో సైమండ్స్ సభ్యుడిగా ఉన్నాడు.
ఫిబ్రవరి 2012లో క్రికెట్ నుండి రిటైర్మెంట్ తర్వాత, సైమండ్స్ ఫాక్స్ స్పోర్ట్స్ తరపున స్పోర్ట్స్ కామెంటరీ మరియు బ్రాడ్కాస్టింగ్లో ఒప్పందంలో ఉన్నాడు. సైమండ్స్ మరణ వార్త తెలిసిన క్రికెట్ ప్రపంచం తీవ్ర విషాదంలో మునిగిపోయింది. ఆస్ట్రేలియన్ క్రికెట్ తన మరో అత్యుత్తమ ఆటగాడిని కోల్పోయింది, అని క్రికెట్ ఆస్ట్రేలియా ఛైర్మన్ లాచ్లాన్ హెండర్సన్ ఒక ప్రకటనలో తెలిపారు. లెజెండరీ మాజీ ఆస్ట్రేలియా కెప్టెన్ అలెన్ బోర్డర్ సైమండ్స్కు నివాళులర్పించాడు. మరో ఆస్ట్రేలియా మాజీ కెప్టెన్ మార్క్ టేలర్ దీనిపై స్పందిస్తూ.. నిజం చెప్పాలంటే నేను ఈ వార్త నమ్మలేకపోతున్నాను అని పేర్కొన్నాడు. ఇటీవలే ఆస్ట్రేలియా గ్రేట్ ప్లేయర్లు.. రాడ్ మార్ష్ మరియు షేన్ వార్న్ మరణాల తర్వాత, ఇప్పుడు మరో స్టార్ ఆటగాడు మరణించడంపై పలువురు తమ సంతాపాన్ని తెలియజేస్తున్నారు. ఇండియన్ ప్రీమియర్ లీగ్లో డెక్కన్ ఛార్జర్స్ మరియు ముంబై ఇండియన్స్ జట్ల తరపున సైమండ్స్ ఆడాడు.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ