మహిళల టీ20 ఆసియా కప్: 15మందితో జట్టును ప్రకటించిన బీసీసీఐ, షెడ్యూల్ ఇదే!

September 21, 2022

పురుషుల టీ20 ఆసియా కప్ ఇటీవలే ముగిసిన సంగతి తెలిసిందే. ఇప్పుడు మహిళల టీ20 ఆసియా కప్ టోర్నీకి వేళయింది. అక్టోబర్ 1 నుంచి ప్రారంభం కానున్న ఈ టోర్నమెంట్ అక్టోబర్ 15వ తేదీన ముగియనుంది. ఈ నేపథ్యంలో బీసీసీఐ 15 మంది సభ్యులతో కూడిన టీమిండియా మహిళల జట్టును ప్రకటించింది. ఈ మేరకు బీసీసీఐ సోషల్ మీడియా వేదిక ట్విట్టర్ ద్వారా తెలిపింది. బంగ్లాదేశ్‌లో జరుగనున్న ఈ మెగా టోర్నీకి టీమిండియాకు హర్మన్ ప్రీత్ కౌర్ సారథ్యం వహించనుంది. ఆసియా కప్ లో ఇండియాతో పాటు పాకిస్థాన్, బంగ్లాదేశ్, శ్రీలంక, యూఏఈ, థాయ్‌లాండ్, మలేషియా జట్లు పాల్గొంటున్నాయి. ఈ టోర్నీని రౌండ్‌ రాబిన్‌ ఫార్మాట్‌లో నిర్వహించనున్నారు. దీనిలో మొదటి నాలుగు స్థానాల్లో నిలిచిన జట్లు సెమీ ఫైనల్‌కు అర్హత సాధిస్తాయి. ఇక అక్టోబర్ 1న భారత్, బంగ్లాదేశ్ మధ్య తొలి మ్యాచ్ జరగనుండగా, అక్టోబర్ 7న పాకిస్థాన్‌తో భారత్ కీలక మ్యాచ్ ఆడనుంది. అక్టోబర్ 11వ తేది వరకు లీగ్ స్టేజ్ మ్యాచ్లు జరగనుండగా, 13న సెమీ ఫైనల్, 15న ఫైనల్ మ్యాచ్లు జరగనున్నాయి. ఇప్పటివరకు భారత్ ఆరుసార్లు అత్యధికంగా టైటిల్ గెలవగా, ప్రస్తుతం బంగ్లాదేశ్లో జరుగుతున్నది 8వ ఎడిషన్.

I am extremely delighted to announce the schedule for the 8th edition of the #WomensAsiaCup 2022 @ACCMedia1
Get set for some amazing matches & watch the women create history starting 1st October, with the final showdown on 15th October#PlayBeyondBoundaries #ACC #GetReadyForEpic pic.twitter.com/ifj43xzBs0

— Jay Shah (@JayShah) September 20, 2022

🚨 NEWS 🚨: Team India (Senior Women) squad for ACC Women’s T20 Championship announced. #TeamIndia | #WomensAsiaCup | #AsiaCup2022

More Details 🔽 https://t.co/iQBZGVo5SK pic.twitter.com/k6VJyRlRar

— BCCI Women (@BCCIWomen) September 21, 2022

బీసీసీఐ ఎంపిక చేసిన ఆసియా కప్ మహిళల జట్టు

భారత జట్టు: హర్మన్ ప్రీత్(కెప్టెన్), స్మృతి మంధాన(వైస్ కెప్టెన్), దీప్తి శర్మ, శఫాలీ వర్మ, జెనిమా రోడ్రిగ్స్, సబ్బినేని మేఘన, రిచా ఘోష్(వికెట్ కీపర్), స్నేహ్ రానా, దయలన్ హేమలత, మేఘన సింగ్, రేనుకా థాకూర్, పూజ వస్త్రాకర్, రాజేశ్వరీ గైక్వాడ్, రాధా యాదవ్, కేపీ నవ్గిరే.

స్టాండ్బై ప్లేయర్స్: తనియా సప్న భాటియా, సిమ్రన్ దిల్ బహదూర్.