దేశంలో 3,468 యాక్టీవ్ కరోనా కేసులు, రికవరీ రేటు 98.80 శాతం

December 28, 2022

దేశంలో కరోనా వైరస్ వ్యాప్తి పూర్తిగా అదుపులోనే ఉంది. గత 24 గంటల్లో 200 లోపే కరోనా కేసులు నమోదయ్యాయి. కొత్తగా 188 పాజిటివ్ కేసులు నమోదవడంతో డిసెంబర్ 28, బుధవారం ఉదయం 8 గంటల వరకు మొత్తం కరోనా కేసుల సంఖ్య 4,46,77,647 కు చేరుకుంది. అలాగే కరోనా వలన కొత్తగా ఎలాంటి మరణాలు సంభవించలేదు, దీంతో మొత్తం మరణాల సంఖ్య 5,30,696 గా ఉంది. ఇక డిసెంబర్ 27న 1,34,995 శాంపిల్స్ కు పరీక్షలు నిర్వహించగా, రోజువారీ పాజిటివిటీ రేటు 0.14 శాతంగా నమోదైంది.

దేశంలో 3,468 యాక్టీవ్ కరోనా కేసులు, రికవరీ రేటు 98.80 శాతం:

దేశంలో ప్రస్తుతం 3,468 (0.01%) యాక్టీవ్ కరోనా కేసులు ఉన్నాయి. ఇక కొత్తగా 141 మంది కోలుకోవడంతో ఇప్పటివరకు దేశంలో కరోనా బారినపడి కోలుకున్న వారి మొత్తం సంఖ్య 4,41,43,483 కు చేరుకుంది. కరోనా రికవరీ రేటు 98.80 శాతంగా నమోదు కాగా, కరోనా మరణాల రేటు 1.19 శాతంగా ఉంది. ముఖ్యంగా కేరళ, కర్ణాటక, మహారాష్ట్ర, ఢిల్లీ, బీహార్ వంటి రాష్ట్రాల్లోనే రోజువారీ కరోనా కేసులు డబుల్ డిజిట్ లో నమోదయ్యాయి. కాగా దేశంలోని 15 రాష్ట్రాలు/కేంద్ర పాలిత ప్రాంతాల్లో ఎలాంటి కొత్త కేసులు నమోదుకాలేదు.