కరోనా వ్యాప్తి నేపథ్యంలో దేశవ్యాప్తంగా ప్రభుత్వ, ప్రైవేట్ స్కూల్స్, ఇతర విద్యా సంస్థలన్నీ మూసివేసిన సంగతి తెలిసిందే. కాగా పలు రాష్ట్రాల్లో ప్రైవేట్ స్కూల్స్ యాజమాన్యాలు విద్యార్థులకు ఆన్లైన్ లో క్లాసులు నిర్వహిస్తున్నాయి. ఎల్కేజీ, యూకేజీ పిల్లలకు కూడా ఆన్లైన్ క్లాసులు నిర్వహిస్తుండడంతో పెద్దఎత్తున విమర్శలు వస్తున్న నేపథ్యంలో కర్ణాటక ప్రభుత్వం కీలక నిర్ణయం తీసుకుంది.
అన్ని విద్యా సంస్థలకు సంబంధించి ఒకటి నుంచి ఐదో తరగతి వరకు ఆన్లైన్ తరగతులను రద్దుచేస్తూ కర్ణాటక ప్రభుత్వం తాజాగా ఆదేశాలు జారీచేసింది. ఈ మేరకు కర్ణాటక ప్రాధమిక విద్యాశాఖ మంత్రి సురేష్ కుమార్ ప్రకటన చేశారు. అలాగే కొద్ది మంది కేబినెట్ మంత్రులు ఏడో తరగతి వరకు ఆన్లైన్ క్లాసులు రద్దు చేయాలనీ సూచించారని, అయితే ఇంకా తుది నిర్ణయం తీసుకోలేదని చెప్పారు. కాగా రికార్డింగ్‌ చేసిన వీడియోల ద్వారా విద్యార్థులకు పాఠాలు బోధించేందుకు ప్రభుత్వం అనుమతించింది.
Karnataka Govt has decided to stop all On-line classes for LKG, UKG & classes up to 5th std.
To extend this up to 7th std is only a suggestion from few cabinet ministers as expressed in an informal discussion and NOT a decision.— S.Suresh Kumar, Minister – Govt of Karnataka (@nimmasuresh) June 11, 2020
మ్యాంగో న్యూస్ యాప్ లింక్స్:
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJu
