సీఎంలతో రేపు సమావేశం కానున్న ప్రధాని మోదీ, కరోనా పరిస్థితిపై కీలక చర్చ?

March 16, 2021

దేశంలో గతకొన్ని రోజులుగా మళ్ళీ పెద్దసంఖ్యలో కరోనా పాజిటివ్ కేసులు నమోదవుతున్న సంగతి తెలిసిందే. ఈ నేపథ్యంలో రాష్ట్రాలు/కేంద్రపాలిత ప్రాంతాల‌‌ ముఖ్యమంత్రులుతో మార్చి 17, బుధవారం మధ్యాహ్నం 12.30 గంటలకు వీడియో కాన్ఫరెన్స్ ద్వారా ప్రధాని నరేంద్ర మోదీ ఉన్నత స్థాయి సమావేశం నిర్వహించనున్నారు. ఈ సమావేశంలో ఆయా రాష్ట్రాల్లో కరోనా ప్రభావం, కేసుల పెరుగుదల, కరోనా నియంత్రణ కోసం రాష్ట్ర ప్రభుత్వాలు తీసుకుంటున్న చర్యలు, బాధితులకు వైద్యం అందుతున్న తీరు, కరోనా వ్యాక్సినేషన్ కార్యక్రమం, తదితర అంశాలపై కీలకంగా చర్చించనున్నారు. మహారాష్ట్ర, మధ్యప్రదేశ్, పంజాబ్ వంటి రాష్ట్రాలలోని కొన్ని ప్రాంతాల్లో కరోనా కేసుల పెరుగుదల వలన లాక్ డౌన్ విధించిన అంశంపై కూడా చర్చించే అవకాశం ఉన్నట్టు సమాచారం.