పదో తరగతి పరీక్షలపై నేడు సీఎం కేసీఆర్ సమీక్ష, కీలక నిర్ణయం?

June 8, 2020

తెలంగాణ రాష్ట్రంలో పదో తరగతి పరీక్షల నిర్వహణను వాయిదా వేస్తున్నట్లు రాష్ట్ర ప్రభుత్వం ప్రకటించిన సంగతి తెలిసిందే. రాష్ట్రంలో జీహెచ్‌ఎంసీ పరిధిలో మినహా మిగతా జిల్లాల్లో పదో తరగతి పరీక్షలు నిర్వహించుకోవచ్చని హైకోర్టు కీలక తీర్పు వెలువరించిన అనంతరం ప్రభుత్వం ఈ నిర్ణయం తీసుకుంది. ఈ నేపథ్యంలో పరీక్షల నిర్వహణకు సంబంధించి నిర్ణయం తీసుకోవడానికి ముఖ్యమంత్రి కె.చంద్రశేఖర్ రావు ఈ రోజు మధ్యాహ్నం రెండు గంటలకు సమీక్షా సమావేశం ఏర్పాటు చేశారు. ఈ సమావేశంలో విద్యాశాఖ మంత్రి, ఉన్నతాధికారులు పాల్గొంటారు. పదో తరగతి పరీక్షల నిర్వహణకు సంబంధించిన అన్ని సమస్యలను ఈ సమావేశంలో సుదీర్ఘంగా చర్చించి, తదనుగుణంగా నిర్ణయం తీసుకుని ప్రకటించనున్నారు.