ఏపీలో 24 గంటల్లో 30933 కరోనా పరీక్షలు, 121 మందికి పాజిటివ్

January 11, 2021

ఆంధ్రప్రదేశ్ రాష్ట్రంలో సోమవారం ఉదయం 10 గంటల వరకు మొత్తం కరోనా పాజిటివ్ కేసుల సంఖ్య 8,85,037 కు చేరుకుంది. గత 24 గంటల్లో 30933 శాంపిల్స్ కి పరీక్షలు నిర్వహించగా 121 మందికి కరోనా పాజిటివ్ గా నిర్ధారణ అయినట్టు తెలిపారు. కొత్తగా తూర్పుగోదావరి జిల్లాలో 24, కర్నూల్ లో 6, కృష్ణాలో 8, కడపలో 8, గుంటూరులో 12, చిత్తూరులో 23, అనంతపూర్ లో 6, నెల్లూరులో 9, ప్రకాశంలో 5, శ్రీకాకుళంలో 2, విశాఖపట్నంలో 13, విజయనగరంలో 0, పశ్చిమగోదావరిలో 5 కేసులు నమోదయ్యాయి.

ఇక కరోనా వలన కృష్ణా మరియు విశాఖపట్నం జిల్లాల్లో ఒక్కొక్కరు మరణించడంతో మొత్తం మరణాల సంఖ్య 7131 కి పెరిగింది. మరోవైపు గడిచిన 24 గంటల్లో 213 మంది కోలుకోవడంతో, రికవరీ అయిన వారి మొత్తం సంఖ్య 8,75,456 కు చేరింది. అలాగే ప్రస్తుతం 2450 మంది కరోనా బాధితులు చికిత్స పొందుతున్నారు. ఇక జనవరి 11 నాటికీ ఏపీలో మొత్తం 1,23,55,607 కరోనా పరీక్షలను నిర్వహించారు.