ప్రపంచవ్యాప్త తెలుగువారందరికీ శ్రీ శుభకృత్ నామ ఉగాది శుభాకాంక్షలు – టీడీపీ అధినేత చంద్రబాబు నాయుడు

April 2, 2022

ప్రపంచవ్యాప్తంగా ఉన్న తెలుగు ప్రజలందరికీ ‘శ్రీ శుభకృత్’ నామ ఉగాది పర్వదిన శుభాకాంక్షలు తెలియజేశారు టీడీపీ అధినేత చంద్రబాబు నాయుడు. తెలుగునాట మొదటి పండుగగా భావించే ఉగాది పండుగ ప్రజలందరికీ సకల శుభాలు కలిగించాలని, ఉత్తమ సంకల్పాలతో ఈ పండుగకు ఆహ్వానం పలుకుదామని పేర్కొన్నారు. ఈ మేరకు చంద్రబాబు తన ట్విట్టర్ ఖాతాలో తెలుగు ప్రజలందరినీ ఉద్దేశించి ఉగాది శుభాకాంక్షలు తెలియజేశారు.

శుభాలను ప్రసాదించే ఈ శుభకృత్‌ ఉగాదిని ఉత్తమ సంకల్పాలతో ఆహ్వానిద్దాం. సత్సంప్రదాయాలతో స్వాగతిద్దాం. ఈ ఉగాది మీ ఇంట ఆనందోత్సాహాలకు ఆరంభం కావాలని, ఈ ఏడాది మీకు అన్నింటా గెలుపును అందించాలని కోరుకుంటూ… ప్రపంచవ్యాప్త తెలుగువారందరికీ తెలుగు సంవత్సరాది శుభాకాంక్షలు#Ugadi pic.twitter.com/txgTHYwrSp

— N Chandrababu Naidu (@ncbn) April 2, 2022

శ్రీ శుభకృత్ నామ సంవత్సరంలో కష్టాలు తొలగిపోయి అందరూ సంతోషంగా ఉండాలని, అన్నింటా గెలుపును అందించాలని చంద్రాబాబు ఆకాంక్షించారు. శ్రీ శుభకృత్ నామ సంవత్సరాదిని సత్సంప్రదాయాలతో స్వాగతిద్దామని, అలాగే ఈ ఉగాది మీ ఇంట ఆనందోత్సాహాలు తీసుకురావాలని కోరుకుంటున్నట్లు తెలిపారు.