కరోనా వ్యాప్తి: రాష్ట్రాలవారీగా నమోదైన పాజిటివ్ కేసుల వివరాలు

June 12, 2020

ప్రస్తుతం ప్రపంచవ్యాప్తంగా పలు దేశాలను కోవిడ్-19(కరోనా వైరస్) వణికిస్తున్న సంగతి తెలిసిందే. ఈ నేపథ్యంలో భారత్ లో కూడా రోజురోజుకి కరోనా వైరస్ పాజిటివ్ కేసుల సంఖ్య పెరుగుతూనే ఉంది. జూన్ 12, శుక్రవారం ఉదయానికి దేశంలో మొత్తం కరోనా బాధితుల సంఖ్య 2,97,535 కు పెరిగిందని కేంద్ర ఆరోగ్య, కుటుంబ సంక్షేమ మంత్రిత్వ శాఖ వెల్లడించింది. ప్రపంచవ్యాప్తంగా అత్యధిక కరోనా కేసులు నమోదైన దేశాల్లో బ్రిటన్ ను దాటేసి భారత్ 4వ స్థానంలో నిలిచింది. కరోనా వైరస్ సోకి ఇప్పటివరకు దేశంలో 8,498 మంది మరణించారు. మొత్తం కరోనా బాధితుల్లో 1,47,195 మంది పూర్తిస్థాయిలో కోలుకుని డిశ్చార్జ్ అవ్వగా, ప్రస్తుతం 1,41,842 మంది కరోనాకు చికిత్స పొందుతున్నారు. మరోవైపు పలు రాష్ట్రాల్లో 10000 కు పైగా కరోనా కేసులు నమోదయ్యాయి.