కార్గిల్ విజయ్ దివాస్ 2022: అమరవీరులకు నివాళులు అర్పించిన రాష్ట్రపతి ముర్ము, ప్రధాని మోదీ

July 26, 2022

నేడు ‘కార్గిల్ విజయ్ దివాస్’ సందర్భంగా 1999లో పాకిస్థాన్‌తో యుద్ధం చేసి అమరులైన వీర సైనికులకు భారత నూతన రాష్ట్రపతి ద్రౌపది ముర్ము మరియు ప్రధానమంత్రి నరేంద్ర మోదీ మంగళవారం నివాళులర్పించారు. కాగా నిన్న రాష్ట్రపతిగా పదవీబాధ్యతలు స్వీకరించిన ముర్ము నేడు కేంద్రప్రభుత్వం నిర్వహిస్తున్న ఈ ‘కార్గిల్ విజయ్ దివాస్’పై తన తొలి అధికారిక ప్రకటన చేశారు. ఈ మేరకు ఆమె తన అధికారిక ట్విట్టర్‌లో “కార్గిల్ విజయ్ దివస్ మన సాయుధ దళాల అసాధారణ పరాక్రమం, శక్తి మరియు సంకల్పానికి చిహ్నం. భారతమాతను రక్షించేందుకు ప్రాణాలర్పించిన వీర సైనికులందరికీ నమస్కరిస్తున్నాను. దేశప్రజలందరూ ఆయనకు, ఆయన కుటుంబ సభ్యులకు ఎప్పుడూ రుణపడి ఉంటారు. జై హింద్!” అని పేర్కొన్నారు.

कारगिल विजय दिवस हमारे सशस्त्र बलों की असाधारण वीरता, पराक्रम और दृढ़ संकल्प का प्रतीक है। भारत माता की रक्षा के लिए अपने प्राण न्योछावर करने वाले सभी वीर सैनिकों को मैं नमन करती हूं। सभी देशवासी, उनके और उनके परिवारजनों के प्रति सदैव ऋणी रहेंगे। जय हिन्द!

— President of India (@rashtrapatibhvn) July 26, 2022

మరోవైపు ప్రధాని మోదీ కూడా ‘కార్గిల్ విజయ్ దివాస్’ సందర్భంగా అమరవీరులకు నివాళులు అర్పించారు. కార్గిల్ విజయ్ దివాస్ ‘గర్వానికి, కీర్తికి ప్రతీక’ అని పేర్కొంటూ దేశంలోని సైనిక వీరులందరికీ తాను సెల్యూట్ చేస్తున్నానని ప్రధాని నరేంద్ర మోదీ మంగళవారం తెలిపారు. “కార్గిల్ విజయ్ దివస్ మా భారతి యొక్క గర్వం మరియు కీర్తికి చిహ్నం. ఈ సందర్భంగా, మాతృభూమి రక్షణలో తమ పరాక్రమాన్ని సాధించిన దేశ వీర పుత్రులందరికీ నా వందనం. జై హింద్!” అని ప్రధాని మోదీ ట్విట్టర్‌లో వెల్లడించారు.

कारगिल विजय दिवस मां भारती की आन-बान और शान का प्रतीक है। इस अवसर पर मातृभूमि की रक्षा में पराक्रम की पराकाष्ठा करने वाले देश के सभी साहसी सपूतों को मेरा शत-शत नमन। जय हिंद! pic.twitter.com/wIHyTrNPMU

— Narendra Modi (@narendramodi) July 26, 2022

ఇక ఈ దినోత్సవాన్ని పురస్కరించుకుని దేశవ్యాప్తంగా పలు కార్యక్రమాలు నిర్వహిస్తున్నారు. జమ్మూలోని బలిదాన్ స్తంభ్‌లో భారత సైన్యం పుష్పగుచ్ఛం ఉంచి యుద్ధంలో ప్రాణాలు కోల్పోయిన జవాన్లకు నివాళులర్పించింది. 1998లో నియంత్రణ రేఖ దాటి భారత భూభాగంలోకి ప్రవేశించిన పాకిస్తాన్ చొరబాటుదారులకు వ్యతిరేకంగా మే 8, 1999 మరియు జూలై 26, 1999 మధ్య జరిగిన యుద్ధానికి గుర్తుగా ‘కార్గిల్ విజయ్ దివాస్‌’ను ప్రతి సంవత్సరం జూలై 26 న జరుపుకుంటారు.