ఆగస్టు 8, 2022 నుండి ఆగస్టు 22, 2022 వరకు “స్వతంత్ర భారత వజ్రోత్సవాలు” నిర్వహించడం ద్వారా భారతదేశానికి స్వాతంత్య్రం వచ్చి 75 ఏండ్లు పూర్తవుతున్న సందర్భాన్ని ఘనంగా మరియు సముచితంగా జరుపుకోవాలని తెలంగాణ ప్రభుత్వం నిర్ణయించింది. ఈ మేరకు ఇటీవలే ముఖ్యమంత్రి కె.చంద్రశేఖర్ రావు అధికారులకు కీలక ఆదేశాలు ఇచ్చారు. ఈ వేడుకలను మన స్వాతంత్య్రానికి స్ఫూర్తినిచ్చిన అత్యున్నత ఆదర్శాలు మరియు దేశభక్తి స్ఫూర్తిని హైలైట్ చేసేలా నిర్వహించనున్నారు. స్వాతంత్య్ర పోరాటంలో చేసిన త్యాగాల గురించి ప్రజల్లో, ముఖ్యంగా యువతలో అవగాహన కల్పించేందుకు ఈ వేడుకలు ఉద్దేశించబడ్డాయి. ఈ నేపథ్యంలో “స్వతంత్ర భారత వజ్రోత్సవాలు” ప్లాన్ చేయడానికి మరియు నిర్వహించడానికి 24 మందితో కూడిన ఒక కమిటీని తెలంగాణ ప్రభుత్వం ఏర్పాటు చేసింది. ఈ కమిటీలో పార్టీ సినియర్ నేత, రాజ్యసభ ఎంపీ డా.కె.కేశవ రావు చైర్మన్ గా, మిగిలిన వారు సభ్యులుగా వ్యవహరించనున్నారు. ఈ కమిటీ ఆగస్టు 8 నుండి 22 వరకు వివిధ సాంస్కృతిక, సాహిత్య మరియు ఇతర కార్యక్రమాలను ప్లాన్ చేసి నిర్వహించాలని మరియు ఎప్పటికప్పుడు పురోగతిని ప్రభుత్వానికి నివేదించాలని పేర్కొన్నారు. ఈ మేరకు రాష్ట్రప్రభుత్వ ప్రధాన కార్యదర్శి సోమేశ్ కుమార్ సోమవారం ఉత్తర్వులు జారీ చేశారు.
స్వతంత్ర భారత వజ్రోత్సవాలు నిర్వహణ కమిటీ:
- డా.కె.కేశవ రావు (చైర్మన్)
- మంత్రి కే తారకరామారావు
- మంత్రి తలసాని శ్రీనివాస్ యాదవ్
- మంత్రి శ్రీనివాస్ గౌడ్
- మంత్రి సబితా ఇంద్రారెడ్డి
- మంత్రి ఎర్రబెల్లి దయాకర్రావు
- తెలంగాణ సాంస్కృతిక సారథి చైర్మన్, ఎమ్మెల్యే రసమయి బాలకిషన్
- ప్రభుత్వ సలహాదారు కేవీ రమణాచారి
- సీఎస్ సోమేశ్కుమార్
- డీజీపీ మహేందర్రెడ్డి
- ఎంపీ రంజిత్రెడ్డి
- ప్రభుత్వ విప్, ఎమ్మెల్సీ ఎంఎస్ ప్రభాకర్
- ఎమ్మెల్యే సుధీర్రెడ్డి
- జీహెచ్ఎంసీ మేయర్ విజయలక్ష్మి
- సాహిత్య అకాడమీ చైర్మన్ జూలూరు గౌరీశంకర్
- ప్రభుత్వ స్పెషల్ చీఫ్ సెక్రెటరీ (మున్సిపల్ అండ్ అర్బన్ డెవలప్మెంట్)
- ప్రభుత్వ సెక్రెటరీ (యూత్ అడ్వాన్స్మెంట్, టూరిజం మరియు కల్చర్)
- ప్రభుత్వ సెక్రెటరీ (పంచాయతీ రాజ్ అండ్ రూరల్ డెవలప్మెంట్)
- ప్రభుత్వ సెక్రెటరీ (విద్యా శాఖ)
- జీహెచ్ఎంసీ కమిషనర్
- డైరెక్టర్, డిపార్ట్మెంట్ ఆఫ్ కల్చర్
- డైరెక్టర్ ఆఫ్ ఐ అండ్ పీఆర్
- ప్రభుత్వ సెక్రెటరీ జీఏడీ (పొలిటికల్) – కన్వీనర్
- సీఎం ఓఎస్డీ దేశపతి శ్రీనివాస్ – ప్రత్యేక ఆహ్వానితుడు
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEY