తెలంగాణ ప్రభుత్వం కీలక నిర్ణయం, రాష్ట్రంలో సీబీఐ దర్యాప్తుకు అనుమతి ఉపసంహరణ

October 30, 2022

తెలంగాణ ప్రభుత్వం కీలక నిర్ణయం తీసుకుంది. గతంలో కేంద్ర దర్యాప్తు సంస్థ (సీబీఐ)కి ఇచ్చిన సాధారణ సమ్మతిని ఉపసంహరించుకుంది. అయితే రాష్ట్ర ప్రభుత్వం ఆగస్టు 30నే జీవో 51 ఇచ్చింది. ఈ మేరకు తెలంగాణ హైకోర్టుకు అదనపు అడ్వకేట్ జనరల్ (ఏఏజీ) టీఆర్‌ఎస్ ఎమ్మెల్యేల అక్రమాస్తుల కేసులో సీబీఐతో విచారణ జరిపించాలని కోరుతూ బీజేపీ దాఖలు చేసిన పిటిషన్‌పై వాదనల సందర్భంగా ఈ విషయాన్ని తెలియజేశారు. ఢిల్లీ స్పెషల్ పోలీస్ ఎస్టాబ్లిష్‌మెంట్ యాక్ట్, 1946లోని సెక్షన్ 6 కింద జారీ చేసిన అన్ని మునుపటి సాధారణ సమ్మతిని ఉపసంహరించుకుంటూ ఆగస్టు 30న ప్రభుత్వ హోం (ప్రత్యేక) శాఖ ఉత్తర్వులు జారీ చేసిందని ఏజీ కోర్టుకు తెలియజేశారు. గతంలో రాష్ట్రంలో ఏ కేసులోనైనా దర్యాప్తు చేసుకునేలా సీబీఐకి అనుమతి ఇవ్వగా తాజాగా రద్దు చేసింది. దీంతో ఇకపై రాష్ట్రంలో ఏదైనా కేసులో దర్యాప్తు చేయాలంటే రాష్ట్ర ప్రభుత్వ అనుమతి తప్పనిసరి.