తెలంగాణ రాష్ట్ర వైద్య, ఆరోగ్య శాఖ మంత్రి తన్నీరు హరీశ్ రావు ఆదివారం హైదరాబాద్‌ లోని ఎంసీఆర్‌హెచ్చార్డీలో జరిగిన కార్యక్రమంలో రాష్ట్ర ‘వైద్య, ఆరోగ్య శాఖ వార్షిక నివేదిక-2022’ ను విడుదల చేశారు. వైద్య,ఆరోగ్య, కుటుంబ సంక్షేమ శాఖ 2022లో సాధించిన ప్రగతిని వివరిస్తూ ఈ వార్షిక నివేదిక -2022 ను రూపొందించారు. 2022లో ఆరోగ్య శాఖ అనేక మైలురాళ్లను సాధించిందని ఈ సందర్భంగా మంత్రి హరీశ్ రావు పేర్కొన్నారు. వైద్యరంగానికి ముఖ్యమంత్రి కె.చంద్రశేఖర్ రావు అధిక ప్రాధాన్యత ఇస్తున్నారని తెలిపారు. ఈ వార్షిక నివేదిక-2022 ప్రధానంగా వైద్య విద్య, సూపర్-స్పెషాలిటీ కేర్, తల్లి ఆరోగ్యం మరియు పోషణ, పిల్లల ఆరోగ్యం మరియు రోగనిరోధకత, ప్రాథమిక ఆరోగ్య సంరక్షణ మొదలైన అంశాలను కవర్ చేసిందని చెప్పారు. అనంతరం వైద్య, ఆరోగ్య శాఖ వార్షిక నివేదిక-2022 పేర్కొన్న విషయాలను మంత్రి హరీశ్ రావు వెల్లడించారు.
వైద్య, ఆరోగ్య శాఖ వార్షిక నివేదిక-2022 వివరాలు:
- నీతి ఆయోగ్ ద్వారా దేశంలో ఉత్తమ వైద్య సేవలు అందిస్తున్న 3వ ఉత్తమ రాష్ట్రంగా తెలంగాణ నిలిచింది
- మాతా, శిశు మరణాల రేటు (ఎంఎంఆర్) 43కి తగ్గింది, దేశంలోనే అతి తక్కువగా ఉన్న మూడో రాష్ట్రం తెలంగాణ
- శిశు మరణాల రేటు (ఐఎంఆర్) 21కి తగ్గింది. 2014 నాటికి రాష్ట్రంలో ఐఎంఆర్ 39 కాగా, ప్రస్తుతం 21కి తగ్గింది.
- 8 కొత్త వైద్య కళాశాలలు ప్రారంభమయ్యాయి, కొత్తగా 9 మెడికల్ కాలేజీలు మంజూరు
- లక్ష జనాభాకు 19 ఎంబీబీఎస్ సీట్లు మరియు 7 పోస్ట్ గ్రాడ్యుయేట్ సీట్లు
- హైదరాబాద్‌లో 4 సూపర్ స్పెషాలిటీ ఆసుపత్రులు మంజూరు
- వరంగల్‌లో 1 సూపర్ స్పెషాలిటీ ఆసుపత్రి మంజూరు చేయబడింది
- నిమ్స్‌ను 1,489 పడకల నుండి 3,489 పడకలకు అప్‌గ్రేడేట్ చేయడానికి అనుమతులు మంజూరు చేయబడ్డాయి
- 61 కొత్త డయాలసిస్ కేంద్రాలు, 515 కొత్త డయాలసిస్ మిషన్లు మంజూరు
- ఆసుపత్రులలో అత్యాధునిక రోగనిర్ధారణ సౌకర్యాలు సృష్టించబడ్డాయి
- తెలంగాణ డయాగ్నోస్టిక్స్ కింద కోటికి పైగా ల్యాబ్ పరీక్షలు ఉచితంగా నిర్వహించబడ్డాయి
- ఆక్సిజన్ ఉత్పత్తి సామర్థ్యం రోజుకు 135 ఎంటి నుండి 332 ఎంటికి పెరిగింది.
- కొత్త మెడికల్ కాలేజీలు: 2021లో సంగారెడ్డి, మహబూబాబాద్, మంచిర్యాల, జగిత్యాల, వనపర్తి, కొత్తగూడెం, నాగర్‌కర్నూల్, రామగుండంలో ఎనిమిది మెడికల్ కాలేజీలు మంజూరు చేయబడ్డాయి. 2022-23 విద్యా సంవత్సరానికి ఈ ఎనిమిది మెడికల్ కాలేజీల్లో అడ్మిషన్లు పూర్తయ్యాయి.
- 2022లో నిర్మల్, ఆసిఫాబాద్, భూపాలపల్లి, జనగాం, కామారెడ్డి, కరీంనగర్, ఖమ్మం, వికారాబాద్, సిరిసిల్లలో తొమ్మిది కొత్త వైద్య కళాశాలలు మంజూరు చేయబడ్డాయి.
- సూపర్ స్పెషాలిటీ హాస్పిటల్స్: హైదరాబాద్‌లో గచ్చిబౌలి, ఎల్‌బీ నగర్, అల్వాల్ మరియు సనత్ నగర్‌లో 4 సూపర్ స్పెషాలిటీ హాస్పిటల్స్ (టిమ్స్) ఏర్పాటుకు ప్రభుత్వం ఉత్తర్వులు జారీ చేసింది.
- వరంగల్‌లో అత్యాధునిక హెల్త్ సిటీ, సూపర్ స్పెషాలిటీ ఆసుపత్రిని ప్రభుత్వం మంజూరు చేసింది. 2000 పడకల ఆసుపత్రి నిర్మాణం ప్రారంభమైంది. అలాగే నిమ్స్ ఆసుపత్రిని 200 ఎంసీహెఛ్ పడకలతో కలిపి 1,489 పడకల నుండి 3,489 పడకలకు పెంచడం ద్వారా విస్తరించబడుతుంది.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xE
