తెలంగాణ రాష్ట్రంలో సెప్టెంబర్ 25వ తేదీ నుంచి బతుకమ్మ పండగ ఉత్సవాలు ప్రారంభం కానున్న విషయం తెలిసిందే. సెప్టెంబర్ 25 తేదీ నుండి అక్టోబర్ 3వ తేదీ వరకు 9 రోజుల పాటుగా బతుకమ్మ ఉత్సవాలు నిర్వహించేందుకు రాష్ట్ర రాజధాని హైదరాబాద్ తో పాటు అన్ని జిల్లాల్లో రాష్ట్ర ప్రభుత్వం ఘనంగా ఏర్పాట్లు చేస్తుంది. కాగా బతుకమ్మ పండుగ ఈ నేపథ్యంలో టీఆర్ఎస్ ఎమ్మెల్సీ కల్వకుంట్ల కవిత గురువారం బతుకమ్మ పాటను విడుదల చేశారు.
హైదరాబాద్ లోని తన నివాసంలో ‘సిరిమల్లెలో రామ రఘుమెల్లెలో’ అనే బతుకమ్మ పాట-2022 ను ఎమ్మెల్సీ కవిత ఆవిష్కరించి, ఈ బతుకమ్మ పాటను రూపొందించిన ఎర్ర శేఖర్ బృందాన్ని అభినందించారు. అనంతరం ఆమె ట్వీట్ చేస్తూ, “పండుగ సీజన్ వచ్చేసింది, ఈరోజు బతుకమ్మ పాటల సిరీస్ ను విడుదల చేయడం చాలా థ్రిల్‌గా ఉంది” అని అన్నారు. ఈ బతుకమ్మ పాట-2022 విడుదల కార్యక్రమంలో తెలంగాణ రాష్ట్ర హోమ్ మంత్రి మహమూద్ అలీ, రాష్ట్ర సంగీత నాటక అకాడమీ చైర్‌పర్సన్‌ దీపికారెడ్డి , ఉర్దూ అకాడమీ చైర్మన్ ముజీబ్, పాట రూపకల్పన బృందం, తదితరులు పాల్గొన్నారు.
The festive season is here!
Absolutely thrilled to release a series of #Bathukamma songs today pic.twitter.com/Ur1tzrrvUn— Kavitha Kalvakuntla (@RaoKavitha) September 22, 2022
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEY
