తెలంగాణలో కొత్తగా 614 కరోనా పాజిటివ్ కేసులు, కోలుకున్న 2387 మంది బాధితులు

February 15, 2022

తెలంగాణ రాష్ట్రంలో రోజువారీ కరోనా పాజిటివ్ కేసులు నమోదు తగ్గుముఖం పట్టింది. కొత్తగా 614 మందికి కరోనా పాజిటివ్ గా నిర్ధారణ కావడంతో ఫిబ్రవరి 14, సోమవారం సాయంత్రం 5.30 గంటలవరకు మొత్తం కేసుల సంఖ్య 7,84,062కి చేరింది. ఇక కరోనా వలన కొత్తగా ఎలాంటి మరణాలు నమోదు కాలేదు, దీంతో మొత్తం కరోనా మరణాల సంఖ్య 4,107 గా ఉంది. అలాగే మరో 2,387 మంది కోలుకోగా, ఇప్పటివరకు రికవరీ అయినవారి సంఖ్య 7,70,047కు చేరుకుంది. తాజాగా నమోదైన కరోనా పాజిటివ్‌ కేసుల్లో అత్యధికంగా జీహెచ్‌ఎంసీ పరిధిలో 131, మేడ్చల్ మల్కాజిగిరి జిల్లాలో 48, రంగారెడ్డిలో 43, ఖమ్మంలో 31, యాదాద్రి భువనగిరిలో 24, సూర్యాపేటలో 23, మహబూబ్ నగర్ లో 23, కరీంనగర్ లో 22 నమోదయ్యాయి.