శ్రీశైలం మల్లికార్జునస్వామి సన్నిధిలో మంత్రి హరీష్‌రావు.. ప్రత్యేక పూజలు

March 26, 2022

తెలంగాణ ఆర్ధికశాఖ మంత్రి తన్నీరు హరీష్ రావు శనివారం శ్రీశైలం భ్రమరాంబ సమేత మల్లికార్జునస్వామి వారిని దర్శించుకున్నారు. ఈరోజు ఉదయం శ్రీశైలం చేరుకున్న హరీష్ రావు దంపతులకు ఆలయ మర్యాదలతో అధికారులు స్వాగతం పలికారు. ఈ క్రమంలో స్వామి వారికి, అమ్మవారికి హరీష్ రావు దంపలు ప్రత్యేక పూజలు నిర్వహించారు. అనంతరం మంత్రి హరీష్‌రావు దంపతులకు వేదమంత్రాలతో వేదపండితులు, అర్చకులు ఆశీర్వచనాలిచ్చి దీవించారు. ఈ సందర్భంగా హరీష్ రావు దంపతులకు ఈవో లవన్న ఆలయంలోని విశేషాలను స్వయంగా దగ్గరుండి చూపిస్తూ వాటి ప్రాశస్త్యాన్ని వివరించి చెప్పారు. దర్శనం తరువాత మంత్రి హరీష్ రావు మాట్లాడుతూ.. ఈరోజు శ్రీశైలం దర్శనానికి రావడం, ఆ స్వామివారిని దర్శించుకోవడం చాల సంతోషంగా ఉందని తెలిపారు.