సౌత్ ఇండియన్ ఇంటర్నేషనల్ మూవీ అవార్డ్స్ వేడుకలు గురువారం నాడు అట్టహాసంగా ప్రారంభమయ్యాయి. ప్రతి ఏడాది ఎంతో ప్రతిష్టాత్మకంగా నిర్వహించే ఈ అవార్డుల కార్యక్రమాన్ని ఈసారి ఖతార్ లో నిర్వహిస్తున్నారు. రెండురోజుల పాటు జరిగే ఈ కార్యక్రమానికి ఎందరో సినీ ప్రముఖులు హాజరయ్యారు. అవార్డ్స్ కార్యక్రమంలో భాగంగా తొలిరోజు తెలుగు, కన్నడ చిత్ర పరిశ్రమల నటీనటులకు అవార్డులను అందజేసారు. రెండవ రోజు తమిళ్, మలయాళం చిత్ర పరిశ్రమలకు చెందిన అవార్డులు అందజేస్తారు. ఈ వేడుకకు మెగాస్టార్ చిరంజీవి ముఖ్య అతిధిగా హాజరయ్యారు. ఉత్తమనటుడిగా అవార్డు సాధించిన మెగా పవర్ స్టార్ రామ్ చరణ్ తరుపున అవార్డు అందుకున్నారు. తెలుగులో రంగస్థలం సినిమా అత్యధికంగా 9 అవార్డ్స్ కైవసం చేసుకుంది. యాంకర్లుగా సుమ, ప్రియదర్శి, రాహుల్ రామకృష్ణ లు వ్యవరించారు.
సైమా అవార్డ్స్-2019 టాలీవుడ్ విజేతలు:
ఉత్తమ నటుడు: రామ్చరణ్ (రంగస్థలం)
ఉత్తమ సహాయ నటుడు: రాజేంద్ర ప్రసాద్ ( మహానటి)
ఉత్తమ నటి: కీర్తి సురేష్ (మహానటి)
ఉత్తమ సహాయ నటి: అనసూయ (రంగస్థలం)
ఉత్తమ నటుడు( క్రిటిక్): విజయ్ దేవరకొండ( గీత గోవిందం)
ఉత్తమ నటి( క్రిటిక్): సమంత (రంగస్థలం)
ఉత్తమ చిత్రం: మహానటి
ఉత్తమ దర్శకుడు: సుకుమార్ (రంగస్థలం)
ఉత్తమ పరిచయ దర్శకుడు: అజయ్ భూపతి (ఆర్ఎక్స్ 100)
ఉత్తమ హాస్య నటుడు: సత్య (ఛలో)
ఉత్తమ విలన్: శరత్ కుమార్ (నా పేరు సూర్య నా ఇల్లు ఇండియా)
ఉత్తమ సంగీత దర్శకుడు: దేవీ శ్రీ ప్రసాద్ (రంగస్థలం)
ఉత్తమ గేయ రచయిత: చంద్రబోస్ (ఎంత సక్కగున్నవవే – రంగస్థలం)
ఉత్తమ గాయకుడు: అనురాగ్ కులకర్ణి( పిల్ల రా సాంగ్ – ఆర్ఎక్స్ 100)
ఉత్తమ గాయని: ఎంఎం మానసి (రంగమ్మా మంగమ్మ సాంగ్ – రంగస్థలం)
ఉత్తమ తొలిచిత్ర నటుడు: కల్యాణ్ దేవ్ (విజేత)
ఉత్తమ తొలిచిత్ర నటి: పాయల్ రాజ్పుత్ (ఆర్ఎక్స్ 100)
ఉత్తమ సినిమాటోగ్రాఫర్: రత్నవేలు (రంగస్థలం)
ఉత్తమ కళా దర్శకడు: మౌనిక రామకృష్ణ (రంగస్థలం)
పాపులర్ స్టార్ ఇన్ సోషల్ మీడియా: విజయ్ దేవరకొండ