ప్రపంచ టెస్టు ఛాంపియన్ షిప్ లో భాగంగా దక్షిణాఫ్రికా జట్టుతో సొంత గడ్డపై భారత జట్టు ఆడే మూడు టెస్టుల సిరీస్ లో రెండో టెస్టు పుణెలోని ఎంసీఏ వేదికగా నేడు ప్రారంభమైంది. విశాఖపట్నంలో జరిగిన తొలిటెస్టులో 203 పరుగుల తేడాతో దక్షిణాఫ్రికాపై ఘనవిజయం సాధించిన భారత జట్టు ఈ టెస్టులోనూ గెలిచి సిరీస్ గెలుచుకోవడానికి సన్నద్ధమైంది. మొదటగా టాస్ గెలిచిన కెప్టెన్ విరాట్ కోహ్లీ బ్యాటింగ్ ఎంచుకున్నాడు. అయితే ఈ టెస్టు మ్యాచ్‌కు హనుమ విహారిని అనూహ్యంగా తప్పించారు. హనుమ విహారిని జట్టునుంచి తప్పించడానికి గల కారణాలను టీమ్‌ మేనేజ్‌మెంట్‌ వ్యక్తపరచలేదు. అతడి స్థానంలో బౌలర్ ఉమేశ్‌ యాదవ్‌ను తుదిజట్టులోకి తీసుకున్నారు. అదేవిధంగా దక్షిణాఫ్రికా జట్టులో కూడ ఒక మార్పు చేసారు, తొలిటెస్టులో అంతగా రాణించని ఆఫ్‌స్పిన్నర్‌ పీట్‌ స్థానంలో పేసర్‌ ఎన్రిచ్ నోర్ట్జే ను తుది జట్టులోకి తీసుకున్నారు. ఇది కెప్టెన్ విరాట్ కోహ్లీకి 50వ టెస్టు, మాజీ కెప్టెన్ మహేంద్ర సింగ్ ధోని తరువాత 50 టెస్టులకు నాయకత్వం వహించిన ఘనత సాధించాడు. విరాట్ కోహ్లీ నాయకత్వం వహించిన 49 టెస్టుల్లో భారత్ జట్టు 29 మ్యాచులు గెలుచి, 10 మ్యాచులు ఓడిపోయి, 10 మ్యాచులు డ్రాగా ముగించింది.
భారత్ జట్టు: మయాంక్ అగర్వాల్, రోహిత్ శర్మ, చటేశ్వర్ పుజారా, విరాట్ కోహ్లీ (కెప్టెన్), అజింక్య రహానె, రవీంద్ర జడేజా, వృద్ధిమాన్ సాహా (వికెట్ కీపర్), రవిచంద్రన్ అశ్విన్, ఇశాంత్ శర్మ, ఉమేష్ యాదవ్, మహ్మద్ షమీ
దక్షిణాఫ్రికా జట్టు: డీన్ ఎల్గర్, ఐడెన్ మార్క్రామ్, డి బ్రూయిన్, టెంబా బవుమా, డుప్లెసిస్ (కెప్టెన్), క్వింటన్ డికాక్ (వికెట్ కీపర్), సెనురాన్ ముత్తుసామి, ఫిలాండర్, కేశవ్ మహారాజ్, కగిసో రబడా, ఎన్రిచ్ నోర్ట్జే.
