త్యాగనిరతికి, సహనానికి ప్రతీక మొహర్రం పండుగ – సీఎం కేసీఆర్

August 9, 2022

త్యాగనిరతికి, సహనానికి ప్రతీక మొహర్రం పండుగ అని ముఖ్యమంత్రి కల్వకుంట్ల చంద్రశేఖర్ రావు పేర్కొన్నారు. త్యాగాలకు ప్రతీకగా సాగే ’పీర్ల‘ ఊరేగింపును తెలంగాణ వ్యాప్తంగా ముస్లింలు ఘనంగా జరుపుకుంటారని వెల్లడించారు. అలాగే ముస్లింలతో పాటుగా పలువురు హిందువులు కూడా ఈ ఉత్సవంలో పాల్గొంటారని సీఎం కేసీఆర్ తెలిపారు. మతాలకు అతీతంగా హిందూ, ముస్లింల ఐక్యతను, సఖ్యతను గంగా జమునా తెహజీబ్‌ను ఈ మొహర్రం చాటిచెప్తుందని ఆయన అభిప్రాయపడ్డారు. మానవత్వాన్ని చాటుతూ అన్ని వర్గాల ప్రజలు కలిసి మెలిసి ఉండాలని ఈ సందర్భంగా సీఎం కేసీఆర్ ఆకాంక్షించారు. ఈ మేరకు ముఖ్యమంత్రి కార్యాలయం ట్విట్టర్‌లో సీఎం సందేశాన్ని పోస్ట్ చేసింది.

త్యాగనిరతికి, సహనానికి మొహర్రం ప్రతీక!

రాష్ట్ర వ్యాప్తంగా ముస్లింలు, హిందువులూ కలిసి నిర్వహించే ‘పీర్ల’ ఊరేగింపు తెలంగాణ ప్రజలమధ్య సఖ్యతను, ఐక్యతను, గంగా-జమునా తెహజీబ్ ను చూపే సందర్భం!#Muharram pic.twitter.com/bRVcaQrbN7

— Telangana CMO (@TelanganaCMO) August 9, 2022