సిద్దిపేటలో సీఎం కేసీఆర్ పర్యటన, పలు అభివృద్ధి పనులప్రారంభోత్సవాలు, శంకుస్థాపనలు

December 10, 2020

ముఖ్యమంత్రి కె.చంద్రశేఖర్‌రావు డిసెంబర్ 10, గురువారం నాడు సిద్ధిపేట జిల్లాలో పర్యటించనున్నారు. ఈ పర్యటనలో భాగంగా పలు అభివృద్ధి పనులకు ప్రారంభోత్సవాలు మరియు శంకుస్థాపనలు నిర్వహించనున్నారు. సీఎం కేసీఆర్ సిద్ధిపేట పర్యటనకు సంబంధించిన ఏర్పాట్లను రాష్ట్ర ఆర్థిక శాఖ మంత్రి, సిద్ధిపేట ఎమ్మెల్యే హరీశ్‌రావు పర్యవేక్షిస్తున్నారు.

సీఎం కేసీఆర్ సిద్ధిపేట పర్యటన వివరాలు:

సిద్దిపేట శివారులో ఏర్పాటు చేయనున్న ఐటీ పార్కుకు శంకుస్థాపన.
సిద్దిపేట అర్బన్‌ మండలంలోని పొన్నాలలో నిర్మించిన‌ టీఆర్‌ఎస్‌ పార్టీ కార్యాలయం(తెలంగాణ భవన్) ప్రారంభం.
మిట్టపల్లి రైతువేదిక, విపంచి ఆడిటోరియం ప్రారంభం.
సిద్దిపేటలో రూ.135 కోట్లతో నిర్మించిన ప్రభుత్వ మెడికల్‌ కాలేజ్ ప్రారంభం.
మెడికల్‌ కాలేజ్ కు అనుబంధంగా రూ.225 కోట్లతో నిర్మించనున్న 960 పడకల ఆసుపత్రికి శంకుస్థాపన.
కోమటిచెరువు వద్ద జరుగుతున్న అభివృద్ధి పనుల పరిశీలన.
సిద్దిపేట పట్టణ శివారులోని నర్సాపురంలో రూ.163 కోట్లతో పేద ప్రజల కోసం గేటెడ్ కమ్యూనిటీ తరహాలో ప్రభుత్వం నిర్మించిన డబుల్‌ బెడ్ రూమ్ ఇళ్ల సముదాయం ప్రారంభం.
సిద్ధిపేట చింతల్‌చెరువు వద్ద రూ.278 కోట్లతో నిర్మించిన మురుగునీటి శుద్ధీకరణ ప్లాంట్ ప్రారంభం.
రంగనాయకసాగర్‌ రిజర్వాయర్ వద్ద రూ.8 కోట్లతో నిర్మించిన అతిథి గృహం ప్రారంభం.
సిద్ధిపేట ప్రభుత్వ డిగ్రీ కళాశాల మైదానంలో జరిగే బహిరంగసభలో సీఎం కేసీఆర్‌ ప్రసంగం.