తెలంగాణలో స్థానికసంస్థల ఎమ్మెల్సీ ఎన్నికలు: 6 టీఆర్ఎస్ అభ్యర్థులు ఏకగ్రీవం, 6 చోట్ల డిసెంబర్ 10న పోలింగ్

6 TRS Candidates Elected Unanimously, 6 TRS Candidates Elected Unanimously Under Local Bodies Quota MLC Elections, Candidates List For MLC Election Under Local Bodies Quota, Local Bodies Quota MLC Elections, Local Bodies Quota MLC Elections In Telangana, Mango News, MLC Polls 2021, MLC Under Local Bodies Quota, Six MLC nominees from TRS elected unanimously, Telangana Local Bodies Quota MLC Elections, TRS, TRS Announces MLC Candidates List Under Local Bodies Quota, TRS MLC Candidates List Under Local Bodies Quota

తెలంగాణలో స్థానిక సంస్థల కోటాకు సంబంధించిన 12 ఎమ్మెల్సీ స్థానాల్లో నవంబర్ 26, గురువారం మ‌ధ్యాహ్నం 3 గంట‌ల‌కు నామినేష‌న్ల ఉప‌సంహ‌ర‌ణ గ‌డువు ముగిసింది. దీంతో మొత్తం 12 స్థానాల్లో 6 చోట్ల టీఆర్ఎస్ పార్టీ అభ్యర్థులు ఏకగ్రీవంగా ఎన్నిక అవగా, మరో ఆరు స్థానాల్లో డిసెంబర్ 10న పోలింగ్ నిర్వహించనున్నారు. నిజామాబాద్‌ లో కల్వకుంట్ల కవిత, మహబూబ్‌నగర్‌ లో కూచికుంట్ల దామోదర్‌రెడ్డి, కసిరెడ్డి నారాయణరెడ్డి, రంగారెడ్డి నుంచి ప‌ట్నం మ‌హేంద‌ర్ రెడ్డి, శంభీపూర్ రాజు, వ‌రంగ‌ల్ నుంచి పోచంప‌ల్లి శ్రీనివాస్ రెడ్డి ఏకగ్రీవంగా ఎన్నిక అయ్యారు. వీరి ఎన్నికపై నేడే అధికారికంగా ప్రకటన వెలువడనుంది.

మరోవైపు ఆదిలాబాద్, నల్గొండ, మెదక్, ఖమ్మం జిల్లాల్లో ఒక్కో ఎమ్మెల్సీ స్థానం, కరీంనగర్ జిల్లాల్లో రెండు ఎమ్మెల్సీ స్థానాలకు డిసెంబర్ 10న పోలింగ్ జరగనుంది. డిసెంబర్ 10వ తేదీన ఉదయం 08:00 నుంచి సాయంత్రం 04:00 గంటల వరకు పోలింగ్ నిర్వహించి, డిసెంబర్ 14న ఓట్ల లెక్కింపు పక్రియ చేపట్టనున్నారు. ఇక టీఆర్ఎస్ అభ్యర్థులుగా ఖమ్మం నుంచి తాతామధు, మెదక్‌ నుంచి డాక్టర్‌ వంటేరి యాదవరెడ్డి, నల్గొండలో ఎంసీ కోటిరెడ్డి, ఆదిలాబాద్‌ లో దండె విఠల్‌, కరీంనగర్‌లో ఎల్‌.రమణ, భానుప్రసాద్‌ రావులు బరిలో ఉన్నారు. కాంగ్రెస్ పార్టీ నుంచి మెదక్, ఖమ్మంలో అభ్యర్థులు బరిలో ఉన్నారు. అలాగే ఈ స్థానాల్లో పలువురు స్వతంత్ర అభ్యర్థులు బరిలో ఉండడంతో ఎన్నికలు అనివార్యమయ్యాయి.

మ్యాంగో న్యూస్ లింక్స్:

టెలీగ్రామ్ : https://t.me/mangonewsofficial

గూగుల్ ప్లే స్టోర్ : https://bit.ly/2R4cbgN

ఆపిల్/ఐఓఎస్ స్టోర్ : https://apple.co/2xEYFJ

LEAVE A REPLY

Please enter your comment!
Please enter your name here

4 × five =