తెలంగాణ సంస్కృతికి ప్రతిబింబించే బతుకమ్మ ఉత్సవాలను రాష్ట్ర ప్రభుత్వం ఘనంగా నిర్వహిస్తోంది. ఈ మేరకు నేడు చివరిరోజైన సద్దుల బతుకమ్మ వేడుకలకు హైదరాబాద్‌లోని ఎల్బీ స్టేడియంలో ఘనంగా ఏర్పాట్లు చేసింది. జీహెచ్‌ఎంసీ, సాంస్కృతిక శాఖ సమన్వయంతో సోమవారం సద్దుల బతుకమ్మను ఘనంగా నిర్వహించేందుకు ఏర్పాట్లు చేసింది. ప్రజలు, ముఖ్యంగా మహిళలు పెద్ద ఎత్తున స్టేడియానికి చేరుకొని బతుకమ్మ వేడుకల్లో పాల్గొన్నారు. నిమజ్జనం కోసం హుస్సేన్‌సాగర్ వరకు ఊరేగింపుగా సుమారు 3,000 మంది మహిళలు తమ తలపై పుష్పాలంకరణను మోయనున్నారు. సోమవారం బతుకమ్మ నిమజ్జనం, అనంతరం దుర్గా విగ్రహాలను నిమజ్జనం చేసేందుకు కార్పొరేషన్ 74 చెరువులను ఏర్పాటు చేసింది.
పుష్పోత్సవం కోసం దాదాపు 10 వేల మంది మహిళలు ట్యాంక్ బండ్‌ను సందర్శిస్తారని అధికారులు అంచనా వేస్తున్నారు. కోవిడ్ -19 ప్రోటోకాల్‌లు లేనందున ఈ సీజన్‌లో మహిళలు పెద్ద సంఖ్యలో పాల్గొంటున్నారని అధికారులు తెలిపారు. నగరంలో నివసిస్తున్న తెలంగాణయేతరులు మహారాష్ట్ర, ఒడిశా, మధ్యప్రదేశ్, పశ్చిమ బెంగాల్, అసోం సహా ఇతర రాష్ట్రాల ప్రజలు కూడా బతుకమ్మ సంబరాల్లో చురుగ్గా పాల్గొంటున్నారని వారు వెల్లడించారు. ఇక ప్రభుత్వం తరపున రాష్ట్ర క్రీడలు, సాంస్కృతిక శాఖల మంత్రి శ్రీనివాస్ గౌడ్ కుటుంబ సమేతంగా హాజరై ప్రత్యేక పూజలు నిర్వహించారు. ఈ నేపథ్యంలో ఎల్బీ స్టేడియం, లిబర్టీ జంక్షన్‌తో పాటు అప్పర్‌ ట్యాంక్‌బండ్‌ పరిసరాల్లో మధ్యాహ్నం 3 నుంచి రాత్రి 9 గంటల వరకు పోలీసులు ట్రాఫిక్‌ ఆంక్షలు విధించారు.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEY
