యాదాద్రి ఆలయాన్ని దర్శించుకున్న ఎమ్మెల్యే రోజా.. సీఎం కేసీఆర్‌కు ప్రశంసలు

February 12, 2022

తెలంగాణ సీఎం కేసీఆర్‌ను వైసీపీ ఎమ్మెల్యే రోజా ప్రశంసించారు. యాదాద్రి ఆలయాన్ని సీఎం కేసీఆర్ అద్భుత రీతిలో నిర్మాణం చేస్తున్నారని నగరి ఎమ్మెల్యే రోజా ప్రశంసించారు. ఆమె శనివారం యాదాద్రి శ్రీలక్ష్మీనరసింహ స్వామివారిని దర్శించుకున్నారు. ఈక్రమంలో.. రోజా అక్కడి ఆలయ నిర్మాణ పనులను పరిశీలించారు. అనంతరం ఆమె మీడియాతో మాట్లాడారు. ఈ మధ్య కాలంలో ఎవరికి దక్కనటువంటి అద్భుత అవకాశం సీఎం కేసీఆర్‌ కు లభించిందన్నారు. ఉభయ తెలుగు రాష్ట్రాల ప్రజలు హర్షించే విధంగా ఆలయ నిర్మాణం చేశారని ఆమె అన్నారు. కాగా, యాదాద్రి ఆలయ నిర్మాణంలో ఉపయోగించిన రాయి ఆంధ్రప్రదేశ్‌లోని గుంటూరు నుంచి తీసుకు వచ్చారని ఆమె తెలిపారు. రాష్ట్రాలుగా విడిపోయినా తెలుగు ప్రజలు ఎప్పటికీ అన్నదముళ్లు, అక్కచెల్లెలుగా కలిసి ఉంటారని ఎమ్మెల్యే రోజా ఆకాంక్షించారు.