టీటీడీ కీలక నిర్ణయం, శుక్ర,శని, ఆదివారాల్లో వీఐపీ బ్రేక్ దర్శనాలు రద్దు

February 25, 2022

తిరుమల తిరుపతి దేవస్థానం కీలక (టీటీడీ) మరో కీలక నిర్ణయం తీసుకుంది. సర్వదర్శనం భక్తులకు ప్రాధాన్యత ఇచ్చేందుకు శుక్ర, శని, ఆదివారాలలో సిఫార్సు లేఖలపై కేటాయించే వీఐపీ బ్రేక్ దర్శనాలను రద్దు చేసింది. ఈ మేరకు శుక్రవారం నాడు టీటీడీ ఒక ప్రకటన విడుదల చేసింది. వీఐపీల కోసం కేటాయించిన సమయాన్నీ కూడా సామాన్య భక్తులకు కేటాయించేలా నిర్ణయం తీసుకోవడం జరిగిందని తెలిపారు. శుక్ర, శని, ఆదివారాలలో సర్వదర్శనం భక్తుల సౌకర్యార్దం అదనంగా దర్శన టోకన్లు జారీ చేసేందుకు నిర్ణయం తీసున్నామని చెప్పారు. ఇప్పటికే రోజుకు సర్వదర్శనం భక్తులకు 30 వేల టోకన్లను టీటీడీ జారీ చేస్తుంది. టీటీడీ తాజా నిర్ణయంతో సర్వదర్శన భక్తులకు రోజుకు అదనంగా మరో రెండు గంటల దర్శన సమయం పెరుగుతుందని పేర్కొన్నారు.