ఉభయ తెలుగు రాష్ట్రాలు ఈజ్‌ ఆఫ్‌ డూయింగ్‌ బిజినెస్‌లో మరోసారి తమ సత్తా చాటాయి. బిజినెస్ రీఫార్మ్స్‌ యాక్షన్‌ ప్లాన్‌-2020లో ఏపీ టాప్ ప్లేస్‌లో నిలవగా, తెలంగాణ మూడో స్థానంలో నిలిచింది. ఈ మేరకు కేంద్ర ఆర్థికశాఖ మంత్రి నిర్మలా సీతారామన్‌.. వ్యాపార సంస్కరణల కార్యాచరణ ప్రణాళిక కింద వ్యాపారాన్ని సులభతరం చేయడంపై రాష్ట్రాలు మరియు కేంద్ర పాలిత ప్రాంతాల ర్యాంకింగ్‌ను గురువారం విడుదల చేశారు. దేశీయ మరియు ప్రపంచ పెట్టుబడిదారులను ఆకర్షించడానికి వ్యాపార అనుకూల వాతావరణాన్ని మెరుగుపరచడానికి రాష్ట్రాల మధ్య పోటీని ప్రేరేపించే లక్ష్యంతో కేంద్రం ఈజ్‌ ఆఫ్‌ డూయింగ్‌ బిజినెస్‌లో ర్యాంకింగ్‌ను ప్రవేశపెట్టింది. నిర్మాణ అనుమతి, లేబర్ రెగ్యులేషన్, ఎన్విరాన్‌మెంటల్ రిజిస్ట్రేషన్, సమాచారానికి యాక్సెస్, భూమి లభ్యత మరియు సింగిల్ విండో సిస్టమ్ వంటి వివిధ విభాగాలకు సంబంధించి కొన్ని పారామీటర్‌లు ఉన్నాయి.
వీటి ప్రకారం.. వ్యాపార సంస్కరణల కార్యాచరణ ప్రణాళిక అమలు కేటగిరీలో ఆంధ్రప్రదేశ్, గుజరాత్, హర్యానా, కర్ణాటక, పంజాబ్, తమిళనాడు మరియు తెలంగాణ అగ్రస్థానంలో ఉన్నాయి. హిమాచల్ ప్రదేశ్, మధ్యప్రదేశ్, మహారాష్ట్ర, ఒడిశా, ఉత్తరాఖండ్ మరియు ఉత్తరప్రదేశ్ అచీవర్స్ కేటగిరీ కింద ఉన్నాయి. అలాగే అస్సాం, ఛత్తీస్‌గఢ్, గోవా, జార్ఖండ్, కేరళ, రాజస్థాన్ మరియు పశ్చిమ బెంగాల్ ఆస్పైరర్స్ విభాగంలో ఉన్నాయి. ఇక మరోవైపు అండమాన్ & నికోబార్, బీహార్, చండీగఢ్, డామన్ & డయ్యూ, దాద్రా & నగర్ హవేలీ, ఢిల్లీ, జమ్మూ & కాశ్మీర్, మణిపూర్, మేఘాలయ, నాగాలాండ్, పుదుచ్చేరి మరియు త్రిపుర ఎమర్జింగ్ బిజినెస్ ఎకోసిస్టమ్స్ కేటగిరీ కింద సెలెక్ట్ చేయబడ్డాయి.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ
