ఐసీసీ టెస్ట్ టీమ్ ఆఫ్ ది ఇయర్-2022, వన్డే టీమ్ ఆఫ్ ది ఇయర్-2022 ఇవే…ముగ్గురు భారత్ ఆటగాళ్లకు చోటు

January 24, 2023

అంతర్జాతీయ క్రికెట్ కౌన్సిల్ (ఐసీసీ) మంగళవారం నాడు పురుషుల టెస్టు టీమ్ ఆఫ్ ది ఇయర్-2022, వన్డే టీమ్ ఆఫ్ ది ఇయర్-2022 ను ప్రకటించింది. 2022 క్యాలెండర్ ఇయర్‌ లో టెస్టుల్లో మరియు వన్డేల్లో బ్యాటింగ్, బౌలింగ్, ఆల్ రౌండర్ విభాగాల్లో రాణించి, అందరినీ ఆకట్టుకున్న 11 మంది అత్యుత్తమ ఆటగాళ్లతో ఐసీసీ టీమ్స్ ను ప్రకటించింది. కాగా టెస్టు టీమ్ ఆఫ్ ది ఇయర్ లో భారత్ జట్టు నుంచి స్టార్ వికెట్ కీపర్ బ్యాటర్ రిషభ్ పంత్ మాత్రమే చోటు దక్కించుకున్నాడు. రిషబ్ పంత్ 2021 టెస్ట్ టీమ్ లో కూడా చోటు దక్కించుకున్న విషయం తెలిసిందే. టెస్టు టీమ్ ఆఫ్ ది ఇయర్-2022 కు కెప్టెన్ గా ఇంగ్లాండ్ కెప్టెన్ బెన్ స్టోక్స్ ను, వికెట్ కీపర్ గా రిషభ్ పంత్ ను ఐసీసీ ప్రకటించింది.

ఇక వన్డే టీమ్ ఆఫ్ ది ఇయర్-2022 లో భారత్ జట్టు నుంచి ఇద్దరు ఆటగాళ్లు చోటు దక్కించుకున్నారు. బ్యాటింగ్ విభాగంలో శ్రేయాస్ అయ్యర్, బౌలింగ్ విభాగంలో మహమ్మద్ సిరాజ్ చోటు దక్కించుకున్నారు. వన్డే జట్టుకు పాకిస్థాన్ కెప్టెన్ బాబర్ ఆజమ్ ను కెప్టెన్ గా, వికెట్ కీపర్ గా న్యూజిలాండ్ ఆటగాడు టామ్ లాథమ్ ను ఎంపిక చేశారు.