దేశంలో మరోసారి భారీగా కరోనా కేసులు, గత 24 గంటల్లో 18,819 మందికి పాజిటివ్

June 30, 2022

దేశంలో కరోనా మహమ్మారి వ్యాప్తి ప్రభావం రోజురోజుకి పెరుగుతుంది. మరోసారి కొత్త కరోనా కేసులు భారీగా నమోదయ్యాయి. గత 24 గంటల్లో కొత్తగా 18,819 కరోనా పాజిటివ్ కేసులు నమోదుకాగా, మొత్తం కేసుల సంఖ్య 4,34,52,164 కు చేరుకుంది. కొత్త కేసుల్లో అత్యధికంగా కేరళలో 4459, మహారాష్ట్రలో 3957 నమోదయ్యాయి. అలాగే కరోనాతో మరో 39 మంది మరణించడంతో మొత్తం మరణాల సంఖ్య 5,25,116 కు పెరిగింది. మరోవైపు ప్రస్తుతం దేశవ్యాప్తంగా ఉన్న యాక్టీవ్ కేసుల సంఖ్య లక్ష (1,04,555 – 0.24%) దాటింది. మరో 13,827 మంది బాధితులు కరోనా నుంచి కోలుకోవడంతో, మొత్తం రికవరీల సంఖ్య 4,28,22,493 కు చేరుకుంది. కరోనా రికవరీ రేటు 98.55 శాతంగా ఉండగా, మరణాల రేటు 1.21 శాతంగా నమోదైంది.