ముస్లింల‌కు బ‌క్రీద్ శుభాకాంక్షలు తెలిపిన సీఎం కేసీఆర్

July 10, 2022

బక్రీద్ పర్వదినం సందర్భంగా ముఖ్యమంత్రి కె.చంద్రశేఖర రావు ముస్లింలందరికీ శుభాకాంక్షలు తెలిపారు. త్యాగానికి ప్రతీకగా జరుపుకునే పవిత్ర పండుగ బక్రీద్ (ఈద్ ఉల్ అజ్ హా) అన్నారు. భక్తిని, త్యాగ గుణాన్ని బక్రీద్ పండుగ చాటి చెప్తుందని సీఎం కేసీఆర్ తెలిపారు. జీవితంలో ఎదురయ్యే సమస్యలకు వెరవకుండా, దేవునిపై విశ్వాసాన్ని కలిగి, సన్మార్గంలో జీవనాన్ని సాగించాలనే గొప్ప సందేశాన్ని బక్రీద్ పండుగ సర్వ మానవాళికి ఇస్తున్నదని పేర్కొన్నారు. తమకు కలిగిన దాంట్లో నుంచే ఇతరులకు పంచి పెట్టడాన్ని మించిన దాతృత్వం మరొకటి లేదనే స్ఫూర్తిని బక్రీద్ పండుగ కలిగిస్తుందని ఆయన అన్నారు. ‘అల్లా’ ఆశీస్సులు అందరికీ లభించాలని సీఎం కేసీఆర్ ఆకాంక్షించారు.