జీహెచ్ఎంసీ ఎన్నికల ప్రచారంలో భాగంగా ఎల్బీ స్టేడియంలో ఏర్పాటు చేసిన బహిరంగ సభలో టిఆర్ఎస్ పార్టీ అధ్యక్షుడు, ముఖ్యమంత్రి కె.చంద్రశేఖర్ రావు ప్రసంగిస్తున్నారు. ఈ బహిరంగ సభలో రాష్ట్రమంత్రులు, జీహెచ్ఎంసీ పరిధిలోని టిఆర్ఎస్ పార్టీ ఎంపీలు, ఎమ్మెల్యేలు, ఎమ్మెల్సీలు, జీహెచ్ఎంసీ ఎన్నికల్లో టిఆర్ఎస్ పార్టీ తరపున 150 డివిజన్లకు పోటీచేసే అభ్యర్థులు పాల్గొన్నారు. అలాగే కరోనా నిబంధనలకు అనుగుణంగా ఏర్పాటు చేసిన ఈ సభకు టిఆర్ఎస్ పార్టీ కార్యకర్తలు, ప్రజలు పెద్దఎత్తున హాజరయ్యారు.
సీఎం కేసీఆర్ ప్రసంగం హైలైట్స్:
- మా బాసులు ఢిల్లీలో లేరు. తెలంగాణ ప్రజలే మా బాసులు. ప్రజల అవసరాలే ఇతివృత్తం. ప్రజల సమస్యలే కేంద్రబిందువు. ప్రజల బతుకుదెరువే మా ఆలోచన. పేదల సంక్షేమమే మా ఆలోచన. దేదీప్యమానంగా ఉండే తెలంగాణ మా కల.
- 6.5 లక్షల కుటుంబాలకు వరద సాయంగా రూ.650 కోట్లు ఇచ్చాం.
- డిసెంబర్ 7 నుంచి మళ్ళీ వరదసాయం పంపిణీ చేస్తాం. అర్హులైనవారందరికీ రూ.10వేల వరదసాయం అందిస్తాం.
- వరదల వల్ల కోట్లు నష్టపోయి సాయం కింద రూ.1350 కోట్లు ఇవ్వాలని కేంద్రాన్ని కోరితే, 13పైసలు కూడా ఇవ్వలేదు. మేం భారతదేశంలో లేమా?.
- వరద బాధితుల ఆదుకునేందుకు రానివాళ్లు, ఓట్లు అడిగేందుకు వరదలా వస్తున్నారు.
- జీహెచ్ఎంసీ ఎన్నికలు అనగానే కేంద్రమంత్రులు, ఉత్తరప్రదేశ్, మహారాష్ట్రల నుంచి కూడా వస్తున్నారు. ఒక్క బక్క కేసీఆర్ను కొట్టడానికి ఇంత మంది రావాలా?
- హైదరాబాద్ నగరానికి పెద్దఎత్తున పరిశ్రమలు వస్తున్నాయి. టీపాస్ కావాలా లేదా కర్ఫ్యూ పాస్ కావాలా అనేది బిల్డర్లు ఆలోచించుకోవాలి.
- జీహెచ్ఎంసీ ఎన్నికల్లో ఓట్లు వేసే ముందు ప్రజలు ఆలోచించాలి. నాయకుల పనితీరు చూసే ఓటు వేయాలి.
- రాబోయే కొద్ది నెలల్లో హైదరాబాద్ నగరంలో 24 గంటల వాటర్ సరఫరా సౌకర్యం ఏర్పాటు చేస్తాం.
- నగరంలో శాశ్వతంగా 20 వేల లీటర్ల వరకు ఉచితంగా నీటి సరఫరా, 97 శాతం మంది ప్రజలకు లబ్ధి జరుగుతుంది. ఢిల్లీ తరవాత హైదరాబాద్ లోనే ఈ పథకం అమలు.
- పల్లెవెలుగు పథకం ద్వారా ప్రతి గ్రామపంచాయితీకి ఒక ట్రాక్టర్ ఉంది. ఒక వాటర్ ట్యాంకర్, నర్సరీ ఉంది. దేశంలో ఎక్కడా లేదు.
- కంటివెలుగు పథకం చరిత్రాత్మకం. 50-60 లక్షల మంది ప్రజలకు అద్దాలు, మందులతో వైద్య సదుపాయం కల్పించాం.
- కల్యాణ లక్ష్మి, కేసీఆర్ కిట్, బస్తిదవాఖానాలతో ప్రజలకు మేలు చేస్తున్నాం.
- బార్బర్ షాపులకు, సెలున్లకు ఉచిత విద్యుత్ సరఫరా.
- రాష్ట్రవ్యాప్తంగా లాండ్రిలకు, ధోబీఘాట్ లకు ఉచిత విద్యుత్.
- గోదావరితో మూసీనదిని అనుసంధానం చేసి ప్రక్షాళన చేస్తాం.
- మెట్రోను ఎయిర్ పోర్ట్ వరకు లింక్ చేస్తాం.
- వరదల నుంచి హైదరాబాద్ను కాపాడుకోవాలి. సమగ్ర చర్యల కోసం బడ్జెట్ లో ఏటా 10వేల కోట్లు కేటాయిస్తాం.
- హైదరాబాద్ను కాపాడుకునేందుకు ప్రజలు, మేధావులు, విద్యావంతులు ఆలోచించాలి. పనిచేసే ప్రభుత్వానికి ఓటేసి మద్దతు ప్రకటించాలి.
- మంచి విజ్ఞత కలిగిన అభ్యర్థులను బరిలోకి దింపాము. ప్రజలంతా కారు గుర్తుకు ఓటేసి టిఆర్ఎస్ అభ్యర్థులను గెలిపించాలి.
మ్యాంగో న్యూస్ యాప్ లింక్స్:
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ