స్వచ్ఛ సర్వేక్షన్ అవార్డుల్లో తెలంగాణ రాష్ట్రం మరోసారి సత్తా చాటింది. స్వచ్ఛ సర్వేక్షన్ అవార్డులు-2022 కింద కేంద్రం తాజాగా 2వ మరియు 3వ ర్యాంకుల జాబితాను ప్రకటించగా, ఫాస్ట్ మూవింగ్ సిటీల విభాగంలో తెలంగాణ రాష్ట్రంలోని ఏడు మున్సిపాలిటీలకు అవార్డులు దక్కాయి. దీంతో స్వచ్ఛ సర్వేక్షన్-2022 ర్యాంకింగ్స్లో 23 అవార్డులతో పాటుగా, ఇండియా స్వచ్ఛత లీగ్ కింద మరో మూడు అవార్డులు కలిపి తెలంగాణ రాష్ట్రం మొత్తం 28 అవార్డులను కైవసం చేసుకుంది.
తెలంగాణ రాష్ట్రం ఈ ఘనత సాధించడంపై తెలంగాణ రాష్ట్ర ఐటీ, పరిశ్రమలు, మున్సిపల్ శాఖ మంత్రి కేటీఆర్ హర్షం వ్యక్తం చేశారు. ట్విట్టర్ వేదికగా మంత్రి కేటీఆర్ స్పందిస్తూ, “కేంద్ర ప్రభుత్వం ప్రకటించిన స్వచ్ఛ సర్వేక్షణ్ అవార్డుల్లో తెలంగాణ మున్సిపల్ శాఖ మరో 7 అవార్డులను గెలుచుకోవడం సంతోషంగా ఉంది. దీంతో స్వచ్ఛ సర్వేక్షణ్ 2022లో మొత్తం 26 అవార్డులను సాధించి తెలంగాణ దేశంలోనే ప్రథమ స్థానంలో నిలిచింది. ఈ ఘనత సాధించేందుకు కృషి చేసిన మున్సిపల్ శాఖ సిబ్బందికి, ప్రత్యేక ప్రధాన కార్యదర్శి అర్వింద్ కుమార్ కు మరియు మున్సిపల్ శాఖ డైరెక్టర్ సత్యనారాయణకు అభినందనలు తెలుపుతున్నాను” అని పేర్కొన్నారు.
తెలంగాణ మరో 7 స్వచ్ఛ సర్వేక్షణ్ అవార్డులు (యూఎల్బీలు):
- గ్రేటర్ వరంగల్ మున్సిపల్ కార్పొరేషన్ – 3వ ఫాస్ట్ మూవింగ్ సిటీ – పాపులేషన్ కేటగిరి (3 నుంచి 10 లక్షల మధ్య జనాభా)
- కాగజ్నగర్ – – 2వ ఫాస్ట్ మూవింగ్ సిటీ – పాపులేషన్ కేటగిరి (50 వేల నుంచి 1 లక్షల మధ్య జనాభా)
- జనగామ – 3వ ఫాస్ట్ మూవింగ్ సిటీ – పాపులేషన్ కేటగిరి (50 వేల నుంచి 1 లక్షల మధ్య జనాభా)
- ఆమనగల్ – 2వ ఫాస్ట్ మూవింగ్ సిటీ – పాపులేషన్ కేటగిరి (25 వేల నుంచి 50 వేలు మధ్య జనాభా)
- గుండ్లపోచంపల్లి – 2వ ఫాస్ట్ మూవింగ్ సిటీ – పాపులేషన్ కేటగిరి (15 వేల నుంచి 25 వేల మధ్య జనాభా)
- కొత్తకోట – 3వ ఫాస్ట్ మూవింగ్ సిటీ – పాపులేషన్ కేటగిరి (15 వేల నుంచి 25 వేల మధ్య జనాభా)
- వర్ధనపేట – 2వ ఫాస్ట్ మూవింగ్ సిటీ – పాపులేషన్ కేటగిరి (15 వేల కంటే తక్కువ జనాభా).
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xE