నిరుద్యోగులకు శుభవార్త: గురుకుల పాఠశాలల్లో ఉపాధ్యాయ పోస్టుల భర్తీకి నోటిఫికేషన్

June 8, 2020

తెలంగాణ రాష్ట్రంలోని 16 ఏకలవ్య గురుకుల పాఠశాలల్లో ఉపాధ్యాయుల నియామకానికి రాష్ట్ర ప్రభుత్వం నోటిఫికేషన్ విడుదల చేసింది. కాగా ఔట్ సోర్సింగ్ పద్ధతిలో ఈ ఉపాధ్యాయుల నియామకాలు చేపట్టనున్నారు. జూన్10వ తేదీ నుంచి ఈ నియామకాలకు సంబంధించి ఆన్‌లైన్‌లో అభ్యర్థుల దరఖాస్తులను స్వీకరించనున్నట్టు గిరిజన గురుకులాల సొసైటీ కార్యదర్శి ప్రవీణ్ కుమార్ తెలిపారు. ఈ నియామకాల్లో భాగంగా తెలుగు, హిందీ, ఆంగ్లం, గణితం, జనరల్ సైన్స్, సోషల్ స్టడీస్ తో పాటుగా మ్యూజిక్, లైబ్రేరియన్, ఆర్ట్ అండ్ క్రాప్ట్, టెక్నికల్ అసిస్టెంట్ తదితర పోస్టులను భర్తీ చేస్తామని పేర్కొన్నారు. www.tgtwgurukulam.telangana.gov.in వెబ్ సైట్ లో ఈ నోటిఫికేషన్ పూర్తీ వివరాలు ఉన్నాయని, వాటిని పరిశీలించి అభ్యర్థులు దరఖాస్తు చేసుకోవాలని సూచించారు.