ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డి అధ్యక్షతన మే 4, మంగళవారం నాడు వెలగపూడిలోని సచివాలయంలో రాష్ట్ర మంత్రివర్గ సమావేశం జరిగింది. ఈ కేబినెట్ భేటీలో పలు అంశాలపై కీలక నిర్ణయాలు తీసుకున్నారు. సమావేశం ముగిసిన అనంతరం మంత్రివర్గం తీసుకున్న నిర్ణయాలను రాష్ట్ర రవాణా, సమాచార శాఖ మంత్రి పేర్ని నాని మీడియాకు వివరించారు.
ఆంధ్రప్రదేశ్ మంత్రివర్గం తీసుకున్న నిర్ణయాలు:
- మే 5, బుధవారం నుంచి మధ్యాహ్నం 12 గంటల తర్వాత పూర్తిస్థాయి కర్ఫ్యూ అమలుకు మంత్రి వర్గం ఆమోదం. ఉదయం 6 గంటల నుంచి మధ్యాహ్నం 12 గంటల వరకే దుకాణాలకు అనుమతి.
- మధ్యాహ్నం 12 గంటల తర్వాత ప్రజా రవాణాతో పాటుగా ప్రైవేటు వాహనాలు రాకపోకలపై నిషేధం. అలాగే అంతరాష్ట్ర సర్వీసులు కూడా రద్దు చేస్తూ నిర్ణయం.
- మే 13న రైతు భరోసా తొలి విడత కింద 54 లక్షల మంది రైతులకు లబ్దిచేకూరేలా, వారి ఖాతాల్లో రూ.4040 కోట్లు జమ.
- మే 18న వైఎస్ఆర్ మత్స్యకార భరోసా పథకం అమలు. 1,00,460 మంది మత్స్యకారులకు రూ.10వేల చొప్పున సాయం అందజేత.
- మే 25 వ తేదీన వైఎస్ఆర్ ఉచిత పంటల బీమా పథకం అమలు, మొత్తం 38 లక్షల మంది రైతుల ఖాతాల్లో రూ.2805 కోట్లు జమ.
- 176 పీహెచ్సీల ఏర్పాటుకు కేబినెట్ ఆమోదం, రూ.511.79 కోట్లు కేటాయింపు.
- 44,639 ప్రభుత్వ పాఠశాలల్లో 7వ తరగతి నుంచి సీబీఎస్ఈ సిలబస్ విధానానికి కేబినెట్ ఆమోదం.
- ప్రైవేట్ యూనివర్శిటీల్లో 35 శాతం సీట్లు కన్వీనర్ కోటాకు ఇచ్చేలా చట్టంలో మార్పుకు ఆమోదం.
- అర్చకులకు రూ.10 వేల నుంచి రూ.15 వేల గౌరవ వేతనం పెంపు. అలాగే బి కేటగిరి ఆలయాల్లో రూ.5 వేల నుంచి రూ.10 వేలకు గౌరవ వేతనం పెంచుతూ కేబినెట్ నిర్ణయం.
- ఇమామ్లకు రూ.5 వేల నుంచి రూ.10 వేల గౌరవ వేతనం పెంపు. అలాగే మౌజమ్లకు రూ.3 వేల నుంచి రూ.5 వేల గౌరవ వేతనం పెంచుతూ నిర్ణయం.
- కడప స్టీల్ ప్లాంట్ను ఎస్సార్ స్టీల్స్కు అప్పగింగించేందుకు కేబినెట్ ఆమోదం, అలాగే కృష్ణపట్నం పోర్టులో మౌలిక వసతులకు రూ.1448 కోట్లు మంజూరు ఆమోదం.
- ప్రతి పీహెఛ్సికి ఇద్దరు డాక్టర్లు, 104 వాహనం కేటాయింపు, ప్రతి ఏజెన్సీ మండలానికి మూడు పీహెచ్సీలు ఏర్పాటుకు నిర్ణయం.
- ఆసుపత్రుల్లో ఆక్సిజన్ కొరత లేకుండా కర్ణాటక, ఒడిశా, తమిళనాడు నుంచి ఆక్సిజన్ తీసుకొచ్చేలా చర్యలు.
- కరోనా వ్యాక్సినేషన్ ప్రక్రియలో 45 ఏళ్లు పైబడినవారికి తొలి ప్రాధాన్యత, అనంతరమే 18-44ఏళ్ల వారికి కరోనా వ్యాక్సిన్ పంపిణి చేయాలని నిర్ణయం.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ