మరో 34 స్థానాలకు అభ్యర్థులను ప్రకటించిన టీడీపీ

March 14, 2024

ఏపీలో ఎన్నికలు ముంచుకొస్తున్న వేళ తెలుగు దేశం పార్టీ స్పీడ్ పెంచేసింది. ఈసారి గెలుపే లక్ష్యంగా దూసుకెళ్తున్న టీడీపీ.. అభ్యర్థుల విషయంలో ఆచితూచి అడుగులేస్తోంది. వైసీపీ అభ్యర్థులకు ధీటుగా అభ్యర్థులను ఎంపిక చేస్తోంది. ఈసారి పొత్తు పెట్టుకొని టీడీపీ-బీజేపీ-జనసేన పార్టీలు ఎన్నికలకు వెళ్తున్నాయి. పొత్తులో భాగంగా 21 అసెంబ్లీ, 2 పార్లమెంట్ స్థానాలను చంద్రబాబు జనసేనకు కేటాయించారు. అలాగే బీజేపీకి 10 అసెంబ్లీ, ఆరు లోక్ సభ స్థానాలను ఇచ్చారు. మిగిలిన స్థానాల్లో తెలుగు దేశం పార్టీ బరిలోకి దిగుతోంది.

ఇప్పటికే చంద్రబాబు నాయుడు మొదటి విడతలో 94 అసెంబ్లీ స్థానాలకు అభ్యర్థులను ఖరారు చేశారు. తాజాగా రెండో జాబితాను కూడా చంద్రబాబు ప్రకటించారు. ఈ జాబితాల్లో 34 అసెంబ్లీ స్థానాలకు అభ్యర్థులను ప్రకటించారు. రెండు జాబితాల్లో కలిపి ఇప్పుటి వరకు 128 అసెంబ్లీ స్థానాలకు చంద్రబాబు అభ్యర్థులను ఫైనల్ చేశారు. ఇంకా 16 స్థానాలకు అభ్యర్థులను ఖరారు చేయాల్సి ఉంది. ఆ స్థానాలకు కూడా అతి త్వరలోనే అభ్యర్థులను ప్రకటించే అవకాశం ఉందని టీడీపీ వర్గాలు చెబుతున్నాయి.

టీడీపీ అభ్యర్థులు వీరే..

ప్రత్తిపాడు-వరుపుల సత్యప్రభ

రంపచోడవరం-మిర్యాల శిరీష

గుంటూరు వెస్ట్‌ – పిడుగురాళ్ల మాధవి

గాజువాక – పల్లా శ్రీనివాసరావు

నరసన్నపేట – బగ్గు రమణ మూర్తి

చోడవరం – కేఎస్‌ఎన్‌ఎస్‌ రాజు

మాడుగుల – పైలా ప్రసాద్‌

రామచంద్రాపురం – వాసంశెట్టి సుభాష్‌

రాజమండ్రి రూరల్‌ – గోరంట్ల బుచ్చయ్య చౌదరి

కొవ్వూరు – ముప్పిడి వెంకటేశ్వరరావు

మంత్రాలయం- రాఘవేంద్ర రెడ్డి