వైఎస్సార్సీపీ ఫ్లీనరీకి అన్ని ఏర్పాట్లు సిద్ధం, ప్లీనరీ నిర్వహణకై కమిటీలు, కన్వీనర్లు వీళ్ళే…

July 7, 2022

వైఎస్సార్సీపీ ఫ్లీనరీ నిర్వహణకు రంగం సిద్ధమైంది. జూలై 8, 9 తేదీల్లో గుంటూరు జిల్లాలోని ఆచార్య నాగార్జున యూనివర్సిటీ ఎదురుగా ఉన్న మైదానంలో ప్లీనరీ నిర్వహించేందుకు భారీ ఏర్పాట్లు చేశారు. వైఎస్సార్సీపీ ఆవిర్భవించాక ఇది మూడో ప్లీనరీ కాగా, 2019లో ఏపీలో పార్టీ అధికారంలోకి వచ్చాక జరుగుతున్న తొలి ప్లీనరీ ఇదే కానుంది. దీంతో ఈ ప్లీనరీని పార్టీ ప్రతిష్ఠాత్మకంగా తీసుకుంది. రెండు రోజుల పాటుగా జరిగే ఫ్లీనరీకి మంత్రులు, ఎంపీలు, ఎమ్మెల్యేలు, ఎమ్మెల్సీలు, ముఖ్య నాయకులు, పార్టీ ప్రజా ప్రతినిధులు సహా లక్షల సంఖ్యలో పార్టీ కార్యకర్తలు, ప్రజలు హాజరుకానున్నారు.

ఈ నేపథ్యంలో వైఎస్సార్సీపీ ప్లీనరీ నిర్వహణకు మొత్తం 19 కమిటీలు, వాటికీ కన్వీనర్లను నియమిస్తూ పార్టీ అధినేత, ముఖ్యమంత్రి వైఎస్ జగన్ మోహన్ రెడ్డి నిర్ణయం తీసుకున్నారు. ప్లీనరీకి హాజరయ్యే వారు ఎలాంటి ఇబ్బంది పడకుండా, సక్రమంగా జరిగేలా ఈ కమిటీలు ఏర్పాట్లను పర్యవేక్షించనున్నాయి. ప్లీనరీ నిర్వహణకు సంబంధించి అన్ని కమిటీలు బాధ్యతగా పనిచేయాలని పార్టీ అధిష్టానం ఆదేశాలు ఇచ్చింది. పలువురు సీనియర్ నాయకులకు కమిటీల కన్వీనర్ బాధ్యతలను అప్పగించారు.