టీ20 ప్రపంచ కప్-2022: 15 మందితో ఇంగ్లాండ్ జట్టు ప్రకటన, జాసన్ రాయ్ కు దక్కని చోటు

September 2, 2022

ఆస్ట్రేలియాలో అక్టోబర్‌ 16న ప్రారంభం కానున్న ఐసీసీ టీ20 ప్రపంచకప్-2022 కోసం ఇంగ్లాండ్ మెన్స్ సెలక్షన్ ప్యానెల్ 15 మందితో కూడిన ఇంగ్లాండ్ జట్టును ప్రకటించింది. ఇంగ్లాండ్ టీ20 జట్టుకు జోస్ బట్లర్ కెప్టెన్ గా వ్యవహరించనున్నాడు. కాగా జాసన్ రాయ్, అలెక్స్ హేల్స్ మరియు మాట్ పార్కిన్సన్ కు ఈ 15 మంది జాబితాలో చోటు దక్కలేదు. ఇక సీమ్ బౌలర్లు క్రిస్ వోక్స్, మార్క్ వుడ్ వారి సంబంధిత గాయాల నుండి కోలుకుని ఐసీసీ టీ20 ప్రపంచకప్ మరియు సెప్టెంబర్‌లో పాకిస్తాన్‌లో జరిగే టీ20 పర్యటన కోసం ఎంపిక రెండు జట్టులలో చోటు దక్కించుకున్నారు.

జోఫ్రా ఆర్చర్ గాయం కారణంగా ఈ ప్రపంచకప్ కు కూడా దూరమయ్యాడు. మరోవైపు ఈ నెలాఖరులో కరాచీలో జరగనున్న ఏడు మ్యాచ్‌ల టీ20 సిరీస్ పాకిస్థాన్ పర్యటన కోసం ఇంగ్లాండ్ మెన్స్ సెలక్షన్ ప్యానెల్ 19 మంది ఆటగాళ్లతో కూడిన ఇంగ్లాండ్ జట్టును కూడా ప్రకటించింది. పాకిస్తాన్ తో సిరీస్ కోసం కెంట్‌కు చెందిన జోర్డాన్ కాక్స్, మిడిల్‌సెక్స్‌కు చెందిన టామ్ హెల్మ్‌లకు కొత్తగా అవకాశాలు దక్కింది.