ఇండియన్‌ ప్రీమియర్‌ లీగ్ (ఐపీఎల్)-2020 లో ప్లే ఆప్స్ మ్యాచులు జరుగుతున్న సంగతి తెలిసిందే. ప్లే ఆప్స్ లో భాగంగా గురువారం నాడు ముంబయి ఇండియన్స్, ఢిల్లీ క్యాపిటల్స్ మధ్య జరిగిన క్వాలిఫయర్‌-1 మ్యాచ్ లో ముంబయి 57 పరుగుల తేడాతో గెలిచి ఐపీఎల్ ఫైనల్ కు చేరుకుంది. ఇక అబుదాబిలో ఈ రోజు సాయంత్రం 7:30 గంటలకు జరిగే కీలకమైన ఎలిమినేటర్ మ్యాచ్ లో రాయల్ ఛాలెంజెర్స్ బెంగళూరు, సన్ రైజర్స్ హైదరాబాద్ పోటీపడనున్నాయి. ఈ మ్యాచ్ లో గెలిచిన జట్టు ఫైనల్ కు వెళ్లేందుకు క్వాలిఫయర్‌-2 లో ఢిల్లీ క్యాపిటల్స్ తో తలపడాల్సివుంటుంది. ఇక ఓడిపోయిన జట్టు ఐపీఎల్-2020 నుండి నిష్క్రమించనుంది.
సన్ రైజర్స్ జట్టు లీగ్ దశ చివరి మ్యాచుల్లో వరుసగా మూడు గెలిచి ప్లేఆప్స్ కు చేరుకుంది. మరోవైపు రాయల్ ఛాలెంజెర్స్ జట్టు చివరి నాలుగు మ్యాచ్‌లలో ఓడిపోయింది. కానీ గతంలో కంటే ఈ సీజన్లో బెంగళూరు మెరుగైన ప్రదర్శన చేస్తుండడం, ఇక కీలక ఆటగాళ్లు గాయాలతో జట్టు నుంచి వైదొలిగిన కూడా హైదరాబాద్ జట్టు సంచలనాలు నమోదు చేస్తుండడంతో ఈ మ్యాచ్ పై అభిమానుల్లో భారీ ఆసక్తి నెలకుంది. ఫైనల్ వెళ్లే పోరులో ఏ జట్టు నిలుస్తుందో తెలియాలంటే మరికొద్ది గంటలు వేచిచూడాలి.
రాయల్ ఛాలెంజర్స్ బెంగళూరు ప్రాబబుల్ జట్టు: విరాట్ కోహ్లీ (కెప్టెన్), జాషువా ఫిలిప్, దేవదత్ పడిక్కల్, ఎబి డివిలియర్స్ (వికెట్ కీపర్), మొయిన్ అలీ, శివం దూబే, క్రిస్ మోరిస్/ఇసురు ఉదనా, వాషింగ్టన్ సుందర్, నవదీప్ సైని/షాబాజ్ అహ్మద్, మహ్మద్ సిరాజ్, యుజ్వేంద్ర చాహల్.
సన్‌రైజర్స్ హైదరాబాద్ ప్రాబబుల్ జట్టు: డేవిడ్ వార్నర్ (కెప్టెన్), వృద్దిమాన్ సాహా (వికెట్ కీపర్), మనీష్ పాండే, కేన్ విలియమ్సన్, అబ్దుల్ సమద్, ప్రియామ్ గార్గ్/అభిషేక్ శర్మ, జాసన్ హోల్డర్, రషీద్ ఖాన్, షాబాజ్ నదీమ్, సందీప్ శర్మ, టి నటరాజన్.
మ్యాంగో న్యూస్ యాప్ లింక్స్:
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ
