ప్రముఖ స్వాతంత్య్ర సమరయోధురాలు శకుంతలా చౌదరి కన్నుమూత.. సంతాపం తెలిపిన ప్రధాని మోదీ

February 21, 2022

ప్రముఖ స్వాతంత్య్ర సమరయోధురాలు, గాంధేయ సామాజిక కార్యకర్త శకుంతలా చౌదరి (102) సోమవారం కన్నుమూశారు. అస్సాంలోని కామ్రూప్‌కు చెందిన ఆమె.. గ్రామస్థుల సంక్షేమం కోసం, ముఖ్యంగా మహిళలు మరియు పిల్లల కోసం పనిచేసింది. ఆమె ‘శకుంతల బైడియో’గా ప్రసిద్ధి చెందింది. ఈ సంవత్సరం ఆమెను భారత ప్రభుత్వం పద్మశ్రీ అవార్డుతో సత్కరించింది. శకుంతలా చౌదరి మృతిపై భారత ప్రధాని నరేంద్ర మోదీ సంతాపం వ్యక్తం చేశారు. “గాంధేయ విలువలను పెంపొందించేందుకు శకుంతలా చౌదరి జీవితాంతం చేసిన కృషికి గుర్తుండిపోతారు. సరనియా ఆశ్రమంలో ఆమె చేసిన గొప్ప పని చాలా మంది జీవితాలను సానుకూలంగా ప్రభావితం చేసింది. ఆమె మరణించడం బాధాకరం. ఇప్పుడు నా ఆలోచనలు ఆమె కుటుంబం మరియు అసంఖ్యాక ఆరాధకులతో ఉన్నాయి, ఓం శాంతి” అని ప్రధాని మోదీ ట్విట్టర్‌లో తెలిపారు.