రికార్డు స్థాయిలో ఒక్క రోజే 1685 కరోనా పాజిటివ్ కేసులు, 21 మరణాలు నమోదు

June 9, 2020

తమిళనాడు రాష్ట్రంలో రోజురోజుకి కరోనా కేసులు పెద్ద సంఖ్యలో నమోదవుతున్నాయి. ఈ నేపథ్యంలో ఆ రాష్ట్రంలో ఈ రోజు కొత్తగా 1685 కరోనా పాజిటివ్ కేసులు నమోదయ్యాయి. ఒక్క చెన్నై నగరంలోనే ఈ రోజు 1247 కేసులు నమోదయ్యాయి. దీంతో రాష్ట్రంలో మొత్తం పాజిటివ్ కేసుల సంఖ్య 34,914 కి చేరింది. రాష్ట్రంలో నమోదైన మొత్తం కేసుల్లో ఒక్క చెన్నైలోనే 24545 కేసులు నిర్ధారణ అయ్యాయి. గత 24 గంటల్లో నమోదైన 21 కరోనా మరణాలతో కలిపి ఇప్పటివరకు మరణించిన వారి సంఖ్య 307 కి చేరింది. ఇక కొత్తగా కోవిడ్ నుంచి కోలుకున్న 798 మందితో కలిపి డిశ్చార్జ్ అయినవారి సంఖ్య 18325 కి చేరింది. ప్రస్తుతం 16,282 మంది వివిధ ఆసుపత్రుల్లో కరోనాకు చికిత్స పొందుతున్నారు.