తెలంగాణలో లాక్‌డౌన్‌ : హైదరాబాద్ మెట్రో రైలు వేళల్లో మార్పులు

May 12, 2021

తెలంగాణ రాష్ట్రంలో మే 12 నుంచి పది రోజుల పాటు లాక్‌డౌన్‌ విధించిన విషయం తెలిసిందే. లాక్‌డౌన్‌ సమయంలో ప్రతిరోజూ ఉదయం 6 గంటల నుండి 10 గంటల వరకు మాత్రమే అన్ని కార్యకలాపాలకు అనుమతి వుంటుందని తెలిపారు. ఈ నేపథ్యంలో హైద‌రాబాద్ మెట్రో రైలు స‌మ‌యాల్లో మార్పులు చేయబడ్డాయి. ప్రయాణ సమయాలను రీషెడ్యూల్ చేస్తూ హైదరాబాద్‌ మెట్రో రైలు సంస్థ ఒక ప్రకటన చేసింది. మే 12, బుధవారం నుంచి నగరంలోని టెర్మినల్ మెట్రో స్టేషన్స్ లో మొదటి రైలు ఉదయం 7 గంటల నుంచి ప్రారంభమవుతుందని చెప్పారు. అలాగే టెర్మినల్ మెట్రో స్టేషన్స్ లో చివ‌రి మెట్రో రైలు ఉదయం 8:45 గంటలకు ప్రారంభమవుతుందని, ఆ మెట్రో రైళ్లు ఉదయం 9:45 గంట‌లలోపు డెస్టినేషన్ కు చేరుకుంటాయని తెలిపారు.