‘మా’ ఎన్నికలు : తన ప్యానెల్ ప్రకటించిన నటుడు మంచు విష్ణు

September 23, 2021

మూవీ ఆర్టిస్ట్స్‌ అసోసియేషన్ (మా) ఎన్నికలు అక్టోబర్ 10, ఆదివారం నాడు జరగనున్న సంగతి తెలిసిందే. ‘మా’ ఎన్నికలకు సంబంధించిన నోటిఫికేషన్ కూడా ఇటీవలే విడుదలైంది. దీంతో ‘మా’ అధ్యక్ష పదవికి పోటీచేసే అభ్యర్థులు ప్యానెల్ ఏర్పాటు, ప్రచారంపై దృష్టి సారించారు. ఈసారి ‘మా’ ఎన్నికల్లో విలక్షణ నటుడు ప్రకాశ్‌ రాజ్‌, నటుడు మంచు విష్ణుల మధ్యనే ప్రధాన పోటీ నెలకుంది. అధ్యక్ష పదవికి పోటీచేస్తున్న ప్రకాశ్‌ రాజ్‌ ఇప్పటికే తన ప్యానెల్ ను ప్రకటించి ప్రచారం ప్రారంభించగా, తాజాగా గురువారం ఉదయం మంచు విష్ణు కూడా తన ప్యానెల్ ను ప్రకటించారు. ఎగ్జిక్యూటివ్‌ వైస్‌ ప్రెసిడెంట్‌, జనరల్‌ సెక్రటరీ, వైస్ ప్రెసిడెంట్స్, ఎగ్జిక్యూటివ్‌ కమిటీ మెంబెర్స్ వివరాలను మంచు విష్ణు విడుదల చేశారు. మరోవైపు అక్టోబర్ 10న ఉదయం 8 గంటల నుంచి మధ్యాహ్నం 2 గంటల వరకు జూబ్లీహిల్స్ పబ్లిక్ స్కూల్ లో ‘మా’ ఎన్నికలను నిర్వహించనున్నారు.