గ్రీన్‌ ఇండియా ఛాలెంజ్‌లో భాగంగా హైదరాబాద్‌లో మొక్కలు నాటిన నటి కంగనా రనౌత్‌, అభినందించిన ఎంపీ సంతోష్‌

February 22, 2023

ప్రముఖ నటి కంగనా రనౌత్‌కు తెలంగాణ ఎంపీ సంతోష్ కుమార్ కృతజ్ఞతలు తెలిపారు. ఈ మేరకు ఆమె గ్రీన్‌ ఇండియా ఛాలెంజ్‌లో భాగంగా హైదరాబాద్‌లో బుధవారం మొక్కలు నాటారు. నగరంలోని శంషాబాద్ పంచవటి పార్కులో కంగనా రనౌత్‌ ఈ కార్యక్రమంలో పాల్గొన్నారు. ఈ సందర్భంగా గ్రీన్ ఇండియా ఛాలెంజ్ సహ వ్యవస్థాపకుడు రాఘవ ‘వృక్షవేదం’ పుస్తకాన్ని ఆమెకు బహూకరించారు. అనంతరం కంగనా రనౌత్‌ మాట్లాడుతూ.. హారా హై తో భారా హై, గ్రీన్‌ ఇండియా ఛాలెంజ్‌ కార్యక్రమాలను స్వీకరిస్తూ ఈరోజు హైదరాబాద్‌లో మొక్కలు నాటానని తెలిపారు. గ్రీన్ ఇండియా ఛాలెంజ్‌లో పాల్గొనడం ఆనందంగా ఉందని, చెట్లను నాటడం మరియు మన పర్యావరణాన్ని పరిరక్షించడం యొక్క ప్రాముఖ్యత గురించి అవగాహన కల్పించడానికి ఇది ఒక గొప్ప ఆలోచన అని పేర్కొన్నారు. పర్యావరణం కోసం ప్రతి ఒక్కరూ తమ వంతు కృషి చేయాలని కోరుతున్నానని, అలాగే ఈ ఛాలెంజ్ కోసం రంగోలి చందేల్, రీతూ రనౌత్ మరియు అంజలి చౌహాన్‌లను నామినేట్ చేస్తున్నానని తెలిపారు.

I’ve accepted #HaraHaiTohBharaHai #GreenindiaChallenge
And planted three saplings today morning in Hydrabad … pic.twitter.com/MPoeH91DaA

— Kangana Ranaut (@KanganaTeam) February 22, 2023

ఇక దీనిపై ఎంపీ సంతోష్‌ కుమార్‌ స్పందించారు. తన ట్విట్టర్ వేదికగా కంగనాకు అభినందనలు తెలిపారు. ‘అద్భుతం కంగనా రనౌత్ జీ! గ్రీన్‌ ఇండియా ఛాలెంజ్‌లో భాగంగా మొక్కలు నాటినందుకు ధన్యవాదాలు. మీరు ఈ రోజు చేసిన పనిని పాన్‌-ఇండియా అంతటా ఉన్న మీ అభిమానులు రేపటి కోసం పునరావృతం చేస్తారని ఆశిస్తున్నాను’ అని అందులో పేర్కొన్నారు. కాగా 2019లో రాజ్యసభ ఎంపీ జోగినపల్లి సంతోష్ కుమార్ గ్రీన్ ఇండియా ఛాలెంజ్ కార్యక్రమాన్ని ప్రారంభించారు. పౌరులు మొక్కలు నాటడంతోపాటు పర్యావరణం పట్ల బాధ్యత వహించేలా ప్రోత్సహించడం లక్ష్యంగా ఆయన దీనిని నిర్వహిస్తున్నారు. ఇక ఈ ఛాలెంజ్‌లో ఇప్పటివరకు నటులు మహేష్ బాబు, ప్రభాస్, రానా దగ్గుబాటి సహా పలువురు ప్రముఖులు పాల్గొన్నారు.

That’s amazing #KanganaRanaut ji! Thank you so very much for planting saplings as part of our #GreenIndiaChallenge initiative. Hope your huge fanbase across PanIndia would replicate what you have done today in the interest of the better tomorrow.https://t.co/vZUBiMZmPz pic.twitter.com/JnQHgsUUp6

— Santosh Kumar J (@MPsantoshtrs) February 22, 2023